Исабекова Гүльфира Есхазиевна 1963 жылдың 30 қарашасында  Қызылорда қаласында дүниеге келген. 1986 жылы ЖГПИ-ді «Орыс тілі мен әдебиеті мұғалімі» мамандығы бойынша аяқтаған.

Еңбек жолын сол жылы Шымкент қаласындағы Жамбыл атындағы №26 орта мектепте бастаған.

1998 жылдан бастап МҚТУ-дің Шымкент бөлімшесінің филология факультетінің орыс тілі және әдебиеті кафедрасына зерттеуші-стажер болып қабылданып, 2000 жылдан бастап осы кафедрада оқытушы болып қызмет еткен.

2006 жылдан бастап А.Ясауи атындағы МҚТУ-дің Шымкент институтында, кейіннен АИУ-де орыс тілі және әдебиеті кафедрасында аға оқытушы болып жұмыс істеген.

2011 жылдың қыркүйегінен 2017 жылдың қыркүйегіне дейін ОҚМПУ-дың қазақ және әлем әдебиеті кафедрасында қызмет етті. Қазіргі уақытта Ө.Жәнібеков атындағы Оңтүстік Қазақстан педагогикалық университетінің орыс тілі және әдебиеті кафедрасының аға оқытушысы.

Ғылыми қызығушылықтары мәдениетаралық қарым-қатынас мәселелерімен, ұлттық тілдік сана және лингводидактикамен байланысты. Қазақстанда және алыс-жақын шетелдерде (Ресей, Чехия, Болгария, Қырғызстан, Беларусь) жарияланған 40-тан астам ғылыми мақалалардың авторы. Мақалалар: «Педагогическая практика филологов: Проблемы и перспективы», «Мухтар Шаханов –великий идеолог и поборник нравственности», «Паремиологическая картина мира в аспекте гендерных исследований».

Марапаттары мен алғыс хаттары: «ОҚМПУ-дың 80 жылдығына» арналған мерейтойлық медаль (2020), ҚазПРЯЛ президенті, филология ғылымдарының докторы, профессор Э.Д.Сүлейменовадан алғыс хат (Алматы, 2018), куәлік №3136: “Білім және ғылым қызметкерлерінің кәсіподағына сіңірген еңбегі үшін” төсбелгісі, университет басшылығының алғыс хаттары және т.б.