ҮЗДІКСІЗ БІЛІМ БЕРУ ОРТАЛЫҒЫНЫҢ МАМАНДАРЫ ОРДАБАСЫ АУДАНЫНА ІССАПАРҒА БАРДЫ

10 Желтоқсан 2024, 17:17

Медиа Орталық

Өзбекәлі Жәнібеков атындағы Оңтүстік Қазақстан педагогикалық университеті Қазақстан Республикасы Оқу-ағарту министрлігінің Орта білім беру комитеті бекітуімен 5 білім беру бағдарламасын әзірлеген болатын. Біліктілікті арттыру – мұғалімнің өз қызметін нәтижелі атқаруы үшін және кәсіби деңгейін көтеру мақсатында арнайы оқу бағдарламалары арқылы оқыту, кәсіби даму іс-шараларына қатыстыру және біліктілігін арттыруды көздейді.

Осыған орай, университеттің үздіксіз білім беру орталығының басшысы Рауан Бегалиева мен үздіксіз білім беру орталығының маманы Болат Атыбай Ордабасы ауданына іссапарға барды. Кездесуге аудандағы №76 мектептің директоры қатысты. Біліктілікті арттыру курсында тыңдаушыларға өндірістен қол үзбей өз бетімен білім алуға, дәстүрлі әдістемелер мен өзекті технологияларды біріктіруге, жұмысты өз бетінше ұйымдастыруға және жоспарлауға, білім алуға және талдауға, ақпаратты іздеуге және іріктеуге, шешімдер қабылдауға, жобаларды таныстыру дағдысын қалыптастыруға мүмкіндік беретіндігі туралы айтылды.