ҰҒА АКАДЕМИГІ, ФИЛОЛОГИЯ ҒЫЛЫМДАРЫНЫҢ ДОКТОРЫ, ПРОФЕССОР КӘРІМБЕК ҚҰРМАНӘЛИЕВПЕН КЕЗДЕСУ ӨТТІ

3 Желтоқсан 2024, 19:07

Медиа Орталық

Өзбекәлі Жәнібеков атындағы ОҚПУ-да Президент жанындағы Ұлттық құрылтай мүшесі, Президент жанындағы Ұлттық ғылым академиясы Директорлар кеңесінің тәуелсіз директоры, ҰҒА академигі, ф.ғ.д., профессор Кәрімбек Құрманәлиевпен кездесу өтті.

Кәрімбек Арыстанбекұлы кездесуде Мемлекет басшысы Қасым-Жомарт Тоқаевтың Атырауда өткен ІІІ Ұлттық құрылтай отырысында ұлттық құндылықтарды ұлықтау бойынша көтерген бастамаларын студенттерге түсіндірді. Ұлттық педагогика бағытында батыл бастамаларды жүзеге асырып отырған университет жұмысына ризалығын білдірді.

—Университетке Өзбекәлі Жәнібеков атауын беріп, арнайы орталық ашып, ұлттық тәрбие мен құндылықтарды жүзеге асырып, жастар санасына тоқуларыңыз құрылтай отырысында айтылған бастамалармен қабысатын оң тірлік деп білемін, —деген Кәрімбек Арыстанбекұлы ғылым мен жоғары білім саласында атқарылып жатқан игі бастамаларға да тоқталды.

Ашық дәрісті университет Басқарма төрағасы-ректор міндетін атқарушы Гүлжан Сүгірбаева жүргізді. Кездесу қонағына студенттер ойлы, мағыналы сұрақтарын жолдап, тұшымды жауап алды.