ШЕТЕЛДІК ҒАЛЫМДАР УНИВЕРСИТЕТ ТЫНЫСЫМЕН ТАНЫСТЫ
Өзбекәлі Жәнібеков атындағы Оңтүстік Қазақстан педагогикалық университетіне жоғары және (немесе) жоғары оқу орнынан кейінгі білім беру ұйымдарына шетелдік ғалымдарды оқытушылық қызметке тарту бағдарламасы бойынша визитинг-профессор ретінде шақырылған шетелдік ғалымдар университет тынысымен танысты. Шетелдік әріптестерге оқу ордасындағы оңды істерді Стратегиялық даму және әлеуметтік істер жөніндегі проректор Баршагүл Исабек таныстырды.
Путра университетінің қауымдастырылған профессоры Новиа Индриати Адмодисастро (Малайзия), Джавахарлал Неру университетінің профессоры Манджу Хари (Үндістан), Галгошиас университетінің қауымдастырылған профессоры Арвинд Панвар (Үндістан), Вроцлав университетінің қауымдастырылған профессоры Дорота Мария Дружиловска (Польша), Хажы Байрам Вели университетінің профессоры Хулия Касапоглу Ченгель (Түркия) Өзбекәлі Жәнібеков орталығында болып, университетке аты берілген қайраткердің ерен еңбегінен хабардар болды. Сондай-ақ, Ә. Дербісәлі атындағы ғылыми кітапханада болып, білім алушыларға арналған ақпараттық ресурстар мен кітап қоры жайында ақпарат алды.
Қолөнер, бейнелеу өнері туындылары, ұлттық музыкалық аспаптар сынды ұлттық құндылықтар жинақталған көрме орталығы шетелдік қонақтарды бей-жай қалдырмады. Сондай-ақ, тарих ғылымдарының докторы, профессор А.Н. Подушкин жетекшілік ететін Археологиялық орталық шетелдік ғалымдардың ерекше қызығушылығын тудырды. Ғалымдарды облыс аумағындағы қазба жұмыстары барысында табылған ежелгі тас, қола дәуіріне жататын құнды жәдігерлер туралы ақпаратты археологтың өзі егжей-тегжейлі баяндап берді.
Осыған ұқсас
«ЗАМАНАУИ БІЛІМ БЕРУДЕГІ ТРЕНДТЕР» ТАҚЫРЫБЫНДА КЕЗДЕСУ ӨТТІ
УНИВЕРСИТЕТ РЕКТОРЫ ФИЛОСОФИЯ PhD ДОКТОРЛАРЫМЕН КЕЗДЕСТІ
«ЖАРҚЫРА, СТУДЕНТ!» АПТАЛЫҒЫНЫҢ МАРАПАТТАУ КЕШІ ӨТТІ
Хабарландыру 25.11.2025
ФИЛОСОФИЯ ДОКТОРЫ ҒЫЛЫМИ ДӘРЕЖЕСІН ИЕЛЕНДІ!
ҰТҚЫРЛЫҚ БАҒДАРЛАМАСЫМЕН КЕЛГЕН ШЕТЕЛДІК ПРОФЕССОРДЫ ҚАБЫЛДАДЫ
ҰСТАЗ, ҒАЛЫМ ГҮЛЖАН СҮГІРБАЕВАНЫҢ ҒЫЛЫМИ-ПЕДАГОГИКАЛЫҚ ҚЫЗМЕТІНЕ 35 ЖЫЛ
ZHANIBEKOV UNIVERSITY-де ЮНИСЕФ-тің ҚАЗАҚСТАНДАҒЫ ТҰҢҒЫШ ХАБЫ АШЫЛДЫ!
Хабарландыру 20.11.2025