🇰🇿 25 Қазан – Республика күні 🇰🇿
Бүгін Өзбекәлі Жәнібеков атындағы Оңтүстік Қазақстан педагогикалық университетінде Республика күніне орай, мерекені ұлықтау мақсатында университетіміздің белсенді студенттері, басқарма мүшелері, оқытушы-профессорлар құрамы мен бөлім басшылары бірігіп, еліміздің мемлекеттік әнұранын салтанатты түрде орындады.
Бұл ерекше іс-шараның басты мақсаты – біздің халқымыздың егемендігі мен тәуелсіздігін айшықтайтын құндылықтарды дәріптеу, патриоттық рухты нығайту, жас ұрпаққа Отанға деген махаббатты сіңіру. Әнұранды орындау – халқымыздың бірлігі мен елдігінің көрінісі.
🔹 Осы челленджді қолдап, басқарма төрағасы - Ректордың міндетін атқарушы Гүлжан Дәулетбекқызы Шымкенттегі басқа жоғары оқу орындарына жолдады. Еліміздің әрбір оқу орнында осындай рухты шаралар жалғасын табатынына сенімдіміз!
Барша қазақстандықтарды Республика күнімен құттықтаймыз! Атаулы күн – біздің егемендігіміздің жарқын символы!