Бүгін Zhanibekov University–де өткен адалдық сағатында студенттермен осы мәселе талқыланып, түсіндіру жұмыстары жүргізілді. Іс-шара «Жемқорлық – індет, онымен күресу – міндет» деп аталды.

Жиынды Шымкент қаласының Әділет департаментінің құқықтық түсіндіру жұмысы және заңгерлік қызмет көрсету бөлімінің бас маманы Самал Бахтияр жүргізіп отырды. ҚР Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің Превенция басқармасы басшысының орынбасары Нұртөре Қалдыбаев, Шымкент қаласының Әділет департаментінің құқықтық түсіндіру жұмысы және заңгерлік қызмет көрсету бөлімінің бас маманы Гүлжазира Әбдіқадырова, «Жастар ресурстық орталығы» КММ-нің басшы орынбасары Аружан Әлжан сыбайлас жемқорлыққа жол берудің салдары қандай жағдайға апаратынын жастарға ұғындырып, кәсіби тәжірибеден мысалдар келтірді. Студенттер тақырыпты терең сезіну үшін әсерлі видеоролик көрсетілді.

Университет Басқарма мүшесі-Стратегиялық даму және әлеуметтік істер жөніндегі проректор Баршагүл Исабек оқу орнында парақорлықпен күрес шаралары қалай жүргізіліп жатқанына тоқталып, мамандарға алғыс білдірді. Бүгінде бұл мақсаттағы бірлескен жұмыстар заң ғылымдарының кандидаты, комплаенс-офицер Нұржан Жақсылықовпен бірге жүзеге асырылып, жүйелі жалғасын табуда.