Zhanibekov university logo

ZHANIBEKOV UNIVERSITY –ДЕ ҒЫЛЫМ АЙЫ АШЫЛДЫ

Сәуір 1, 2025, 6:43 Т.Қ. Медиа Орталық


12-сәуір — Ғылым күні. Осыған орай Zhanibekov University бір ай бойы ғылым айын жариялады.

Ғылым айының ашылу салтанатында университет Басқарма төрағасы-ректор міндетін атқарушы Гүлжан Сүгірбаева құттықтау сөз сөйледі.

— Ғылымды дамыту университеттің басты мақсаттарының бірі. Соңғы жылдары біз бұл салада бірнеше жетістіктерді бағындырып келеміз. Атап айтар болсақ, 470 миллион теңгені құрайтын грант жобасымен айналысудамыз. Қазіргі кезде 13 жобаның 4-і әлі жалғасын табуда. Өздеріңіз білесіздер, жаратылыстану, техникалық бағыттағы ғылым алға қарыштағанымен, педагогика саласына арналған зерттеулер аз. Біздің жастар, студенттер бұл бағытта нәтижелі ізденеді деп ойламыз және оған қолдау жасалуда, — деді Гүлжан Дәулетбекқызы.

Ғылым айының іс-шаралар жоспарымен Ғылыми жұмыстар және инновациялар жөніндегі проректор Ержан Рахымжанұлы таныстырды.

Бүгін ғылым айы «Қазақстанның қазіргі экономикалық жағдайында инклюзивті білім беруде әлеуметтік және гендерлік тепетеңдікті сақтаудың ерекшеліктері: салыстырмалы талдау» тақырыбындағы «дөңгелек үстелмен» және «Қазақстан ғылымына жастардың саяси көзқарасы: қазіргі жағдайы мен болашақ болжамы» тақырыбындағы дискуссиямен ашылды.