«EduCampShym» оқу лагеріне келушілерге бүгінгі танымдық саяхатты тарих және педагогика факультеті ұйымдастырды. Оқушыларға әр кафедра туралы деректерді меңгерушілер баяндап берді.
Демалушыларға әсіресе, арнайы педагогика кафедрасы дайындаған таныстырылым қызықты және әсерлі болды. Студенттер өздерінің мамандықтарының ерекшелігі мен арнайы педагогиканың бүгінгі қоғамдағы маңыздылығына тоқталды. Арнайы жаттығулар арқылы ерекше балалармен жұмыс істеудің қиындығы мен нәтижелерін бөлісті.
Басқарма мүшесі-Стратегиялық даму және әлеуметтік істер жөніндегі проректор Баршагүл Исабек оқушыларға университет туралы баяндап, сәтті демалыс тіледі. Қатысушылар «Шаңырақ» ғимаратының фойесіндегі археологиялық жәдігерлермен танысты.
Жас өрендер сондай-ақ, 31-мамыр саяси қуғын-сүргін құрбандарын еске алу күніне байланысты тарихшы-зерттеушілермен кездесіп, жазықсыз жапа шеккендердің өмір тарихы мен ел үшін атқарған ерен еңбектері туралы деректерді тыңдады.