ZHANIBEKOV UNIVERSITY институционалдық және бағдарламалық аккредиттеуден сәтті өтті

27 Маусым 2025, 16:23

Медиа Орталық

IQAA сарапшылары Zhanibekov University стратегиялық даму бағытына, оқытушылар құрамының әлеуетіне, инфрақұрылымына және студенттерге жасалған жағдайларға жоғары баға берді. 2025 жылдың 12–14 мамыр аралығында Оңтүстік Қазақстан педагогикалық университеті Білім берудегі сапаны қамтамасыз ету жөніндегі тәуелсіз агенттігі (IQAA) сыртқы сарапшылар тобының қатысуымен институционалдық және бағдарламалық аккредиттеуден өткізілген болатын.

Аталған аккредиттеу нәтижесінде университетіміз институционалдық аккредиттеуден сәтті өтіп, 24 білім беру бағдарламасы 5 жыл мерзімге аккредиттеліп, тиісті сертификаттарға ие болды. Бұл жетістік университеттің білім беру сапасы, академиялық көрсеткіштері мен ішкі сапа менеджменті жүйесінің жоғары деңгейде екенін дәлелдейді. Университет ұжымы бұл жетістікті сапалы білім мен үздіксіз жетілдіру бағытындағы бірлескен еңбектің нәтижесі деп біледі.