Zhanibekov University –де үш күнге жалғасқан ХYII республикалық олимпиада қорытындыланды

18 Сәуір 2025, 17:03

Медиа Орталық

Бүгін сайыстың салтанатты жабылу рәсімінде университет Басқарма төрағасы-ректор міндетін атқарушы Гүлжан Сүгірбаева барлық қатысушы командаларды жарыстың нәтижелі аяқталғанымен құттықтап, жеңімпаздарды марапаттау сәтіне қатысты.

Денешынықтыру және спорт мұғалімін даярлау білім беру бағдарламасы бойынша өткен олимпиадаға барлығы 21 ЖОО –нан 150-ге жуық студент қатысты. Олар мектеп оқушыларының дене тәрбиесі және спорттық дайындығындағы педагогикалық үрдістің инновациялық модельдері бағыты бойынша ғылыми-зерттеу жұмыс нәтижелерін ұсынды.

Сайыс қорытындысы бойынша 1-орынды Қазақ спорт және туризм академиясының командасы жеңіп алды. Ал, екінші орынды Қожа Ахмет Ясауи атындағы ХҚТУ мен А.Байтұрсынов атындағы Қостанай өңірлік университеті иеленді. Үшінші орын тұғырына Л.Гумилев атындағы Еуразия Ұлттық университеті, Ш. Уәлиханов атындағы Көкшетау университеті мен Астанадағы Денешынықтыру және бұқаралық спорт академиясы көтерілді.