Kazakh National H-index Ranking ТОП-1000 - Иманбаев Нұрлан Сайрамұлы!
Білім беру жүйесін дамыту және бәсекеге қабілеттілікті арттыру тұрғысынан рейтингтер мен олардың мойындалуы еліміз үшін ерекше маңызды. Әсіресе, Kazakh National H-index Ranking біздің университетіміз, факультетіміз және әсіресе математика кафедрамыз үшін аса маңызды әрі құнды.
2025 жылы профессор Иманбаев Нұрлан Сайрамұлы — әлемдік деңгейде қазақстандық математиканы танытып жүрген жетекші ғалымдардың бірі және Өзбекәлі Жәнібеков атындағы Оңтүстік Қазақстан педагогикалық университетінен Kazakh National H-index Ranking жаңартылған нәтижесі бойынша ТОП-1000 (785- орын) тізіміне енген жалғыз ғалым болды.
Kazakh National H-index Ranking (NHR) — Қазақстандағы ғалымдардың, зерттеу топтары мен ұйымдардың ғылыми өнімділігін бағалайтын тәуелсіз рейтинг. Бұл рейтинг Хирш индексіне (h-индекс) негізделген. Аталған индекс – ғалымның жарияланымдарының өнімділігі мен олардың ғылыми ортаға ықпалын сипаттайтын негізгі әрі беделді ғылыми-метрикалық көрсеткіштердің бірі.
National H-index Ranking – ғылыми зерттеулердің ұлттық контексттегі көрсеткіштерін өлшеуге бағытталған және нақты бір ел аясындағы салыстырмалы талдауға сүйенеді. Бұл рейтинг жүйесі қазіргі таңда көптеген елдерде ұйымдардың ғылыми ықпалын бағалау үшін қолданылып жүр.
Университет ұжымы бұл жетістікке мақтанышпен қарап, профессор Иманбаев Нұрлан Сайрамұлын кезекті жеңісімен шын жүректен құттықтай отырып, зор денсаулық, жаңа ғылыми жетістіктер мен шығармашылық табыс тілейді!
Осыған ұқсас
«ЗАМАНАУИ БІЛІМ БЕРУДЕГІ ТРЕНДТЕР» ТАҚЫРЫБЫНДА КЕЗДЕСУ ӨТТІ
УНИВЕРСИТЕТ РЕКТОРЫ ФИЛОСОФИЯ PhD ДОКТОРЛАРЫМЕН КЕЗДЕСТІ
«ЖАРҚЫРА, СТУДЕНТ!» АПТАЛЫҒЫНЫҢ МАРАПАТТАУ КЕШІ ӨТТІ
Хабарландыру 25.11.2025
ФИЛОСОФИЯ ДОКТОРЫ ҒЫЛЫМИ ДӘРЕЖЕСІН ИЕЛЕНДІ!
ҰТҚЫРЛЫҚ БАҒДАРЛАМАСЫМЕН КЕЛГЕН ШЕТЕЛДІК ПРОФЕССОРДЫ ҚАБЫЛДАДЫ
ҰСТАЗ, ҒАЛЫМ ГҮЛЖАН СҮГІРБАЕВАНЫҢ ҒЫЛЫМИ-ПЕДАГОГИКАЛЫҚ ҚЫЗМЕТІНЕ 35 ЖЫЛ
ZHANIBEKOV UNIVERSITY-де ЮНИСЕФ-тің ҚАЗАҚСТАНДАҒЫ ТҰҢҒЫШ ХАБЫ АШЫЛДЫ!
Хабарландыру 20.11.2025