ZHANIBEKOV UNIVERSITY биыл Coursera білім платформасының 700 пайдаланушы лицензиясын иеленді. Бұл ауқымды шара ҚР Ғылым және жоғары білім министрлігінің еліміздің студенттеріне әлемдік цифрлық білім платформаларына қолжетімділікті қамтамасыз ету бағытындағы бастамасы аясында жүзеге асуда.

Бұл курстар 31- желтоқсанға дейін қолжетімді. Қазіргі таңда 1-лек бойынша 700 студент Coursera курстарына тіркеліп, 1538 сертификат иеленді. Ал, 2-лек студенттері оқуларын жалғастыруда. Жыл соңына дейін бұл көрсеткіш еселеп артады деп күтілуде. Сонымен қатар, 2025 жылдың сәуір айынан бастап университет оқытушыларына арналған арнайы курс – "Getting Started with Course Builder" іске қосылды. Бұл Coursera платформасында МООК (жаппай ашық онлайн курс) жүктеуді үйретуге бағытталған. Қазірдің өзінде 30 оқытушы курсты аяқтап, сертификат иеленді.

Айта кетелік, Coursera – әлемнің үздік университеттері мен алдыңғы қатарлы компаниялары (мысалы, Stanford, Yale, Google, IBM т.б.) ұсынатын онлайн курстар, мамандықтар мен білім бағдарламаларын қамтитын халықаралық білімплатформасы. Мұнда кез-келген адам түрлі салада, IT және бағдарламалау, бизнес пен басқару, дизайн және шығармашылық, жаратылыстану ғылымдары, тіл үйрену және басқа да бағыттар бойынша әлемдік деңгейдегі білімге қол жеткізе алады.