«КҮМІС» УНИВЕРСИТЕТІНІҢ ЖАҢА ОҚУ МАУСЫМЫ БАСТАЛДЫ
14 Қараша 2025, 12:34
Медиа Орталық
Өзбекәлі Жәнібеков атындағы ОҚПУ-да «Күміс университеті» жобасының кезекті оқу кезеңі басталды. Биыл «Компьютерлік және цифрлық сауаттылық» курсына 30 тыңдаушы қабылданып, олар Жәнібеков университетінде заманауи білім алуға мүмкіндік алып отыр. Бұл жоба – қоғамдағы белсенді ұзақ өмір сүру идеясын қолдайтын, егде жастағы азаматтардың өмір сапасын арттыруға бағытталған игі бастама.
Сабақты білікті де тәжірибелі маман – Ләззат Байырбекова жүргізуде. Оқыту процесі аптасына 3 рет, әр жолы 2 сабақтан өткізіліп, тыңдаушылардың жаңа ақпаратты жүйелі меңгеруіне толық жағдай жасалған. Курс барысында қатысушылар компьютердің негізгі құрылғылары мен бағдарламаларымен жұмыс істеуді, мәтін теру, құжат сақтау, файлдармен жұмыс істеу дағдыларын, интернетті тиімді әрі қауіпсіз пайдалануды, eGov, e-Salyq, Kaspi, Homebank секілді электронды қызметтерді қолдануды үйренеді. Сондай-ақ, смартфон мүмкіндіктерін кеңінен пайдалануды, жасанды интеллект құралдарын күнделікті өмірде қолдану жолдарын меңгеретін болады.
Тыңдаушылардың белсенділігі жоғары, жаңа технологияларды үйренуге деген ынтасы ерекше. Әр сабақта олар өзара пікір алмасып, практикалық тапсырмаларды орындау арқылы жаңа дағдыларды игеруде. «Күміс» университетінің бұл курсы – аға буын өкілдерінің цифрлық ортада еркін әрекет етуіне, заманауи қоғам талаптарына бейімделуіне мүмкіндік береді. Университетіміз осындай әлеуметтік маңызы зор жобаларды қолдауды әрі қарай да жалғастыра береді.



Осыған ұқсас
«ЗАМАНАУИ БІЛІМ БЕРУДЕГІ ТРЕНДТЕР» ТАҚЫРЫБЫНДА КЕЗДЕСУ ӨТТІ
27 Қараша 2025, 13:05
УНИВЕРСИТЕТ РЕКТОРЫ ФИЛОСОФИЯ PhD ДОКТОРЛАРЫМЕН КЕЗДЕСТІ
27 Қараша 2025, 11:07
«ЖАРҚЫРА, СТУДЕНТ!» АПТАЛЫҒЫНЫҢ МАРАПАТТАУ КЕШІ ӨТТІ
26 Қараша 2025, 13:09
Хабарландыру 25.11.2025
25 Қараша 2025, 16:03
ФИЛОСОФИЯ ДОКТОРЫ ҒЫЛЫМИ ДӘРЕЖЕСІН ИЕЛЕНДІ!
25 Қараша 2025, 11:11
ҰТҚЫРЛЫҚ БАҒДАРЛАМАСЫМЕН КЕЛГЕН ШЕТЕЛДІК ПРОФЕССОРДЫ ҚАБЫЛДАДЫ
24 Қараша 2025, 16:13
ҰСТАЗ, ҒАЛЫМ ГҮЛЖАН СҮГІРБАЕВАНЫҢ ҒЫЛЫМИ-ПЕДАГОГИКАЛЫҚ ҚЫЗМЕТІНЕ 35 ЖЫЛ
21 Қараша 2025, 18:52
ZHANIBEKOV UNIVERSITY-де ЮНИСЕФ-тің ҚАЗАҚСТАНДАҒЫ ТҰҢҒЫШ ХАБЫ АШЫЛДЫ!
21 Қараша 2025, 10:55
Хабарландыру 20.11.2025
20 Қараша 2025, 11:56
СТУДЕНТТЕР ЕҢБЕК НАРЫҒЫНДАҒЫ СҰРАНЫСПЕН ТАНЫСТЫ
19 Қараша 2025, 11:01