“Киелі жерлерді танып-білудің ғылыми маңызы” тақырыбында семинар өтті

8 Сәуір 2025, 13:12

Медиа Орталық

“Сәуір айы - ғылым айы аясында “Киелі жерлерді танып-білудің ғылыми маңызы” тақырыбында семинар өтті. Семинарды Жаратылыстану факультетінің география кафедрасы ұйымдастырды.

Шара барысында “География педагогін даярлау” ББ магистранттары, география кафедрасының аға оқытушысы Қ. Налмишова, аға оқытушы, г.ғ.к. З. Мырзалиева Қазақстан аумағында киелі жерлерді ғылыми тұрғыда зерттеп, арнайы қорғауға алынған аумақтарды сақтаудың маңызын түсіндірді. Өңіріміздегі “Ақсу-Жабағылы”, “Қаратау” қорықтары, “Сырдария-Түркістан” табиғи парктерінің табиғи экожүйелерін сақтаудың ғылыми және тәрбиелік мәні айтылды.

Сонымен қатар семинардың арнайы қонағы - Сайрам-Өгем мемлекеттік ұлттық табиғи паркі экологиялық ағарту және туризм бөлімінің рекреация және туризм инженері Қуаныш Нұрханұлы өз баяндамасында өлкеміздегі Сайрам-Өгем мемлекеттік ұлттық табиғи паркімен таныстырып, ондағы туризмді дамытудың маңызын талқылады.