ӨЗБЕКӘЛІ ЖӘНІБЕКОВ МҰРАЛАРЫ ХАЛЫҚАРАЛЫҚ ДЕҢГЕЙДЕ ЗЕРТТЕЛУДЕ
19 Наурыз 2025, 12:00
Медиа Орталық
Ұлттық мереке «Өзбекәлі Жәнібеков құбылысы: тұлға тағылымы және педагогикалық құндылықтар» атты «Жәнібеков оқулары–2» халықаралық ғылыми-теориялық конференциясымен басталды.
Мәжіліс жиынын университет Басқарма төрағасы-ректор міндетін атқарушы Гүлжан Сүгірбаева құттықтау сөзбен ашып, биыл екінші рет өткізіліп отырған шараның мақсатына тоқталды. Мемлекет және қоғам қайраткері, экономика ғылымдарының докторы, профессор, академик, ҚР Президенті жанындағы Ғылым және техника жөніндегі Ұлттық кеңестің мүшесі, ҚР Мемлекеттік сыйлығының лауреаты, Ө. Жәнібеков атындағы ОҚПУ Директорлар кеңесінің төрағасы Оразалы Сәбден Жәнібеков мұраларын Абай салған сара жолмен сабақтастырып, қоғамды ізгілендіру бағытындағы құнды ойларымен бөлісті.
Белгілі профессорлар Құлбек Ергөбек, Мұхтар Қожа, көзкөрген азаматтар Алмас Жансүгіров пен Қанат Тұяқбаев Өзбекәлі Жәнібековтің рухани болмысындағы адамгершілік қасиеттерін еске алып, естеліктерін жаңғыртты.
Ал, бес бағытты қамтыған секция мәжілісінде қатысушылар зерттеулерін қорғап, арнайы марапаттарға ие болды. Дәстүрлі конференцияға былтыр Ресей, Қырғызстан, Өзбекстан ғалымдары да қатысып, Жәнібеков мұраларын зерттеуге қызығушылық танытқан болатын. Ал биыл барлығы 300-ден астам мақала келіп түссе, оның ішінде Алматы, Астана, Ақтөбе, Тараз, Жетісу өңірінің ғалымдары ізденістерін ұсынды. Бұл бағыттар Өзбекәлі Жәнібековтің тарихи-этнографиялық мұраларына, оның еңбектеріндегі ұлттық тәрбие және педагогикалық құндылықтарға (педагогика, психология, әдістеме), Өзбекәлі Жәнібеков және ұлттық өнер мен спортқа, жаратылыстану ғылымдарының өзекті мәселелері мен шешу жолдарына, заманауи физика-математикалық білім: тәжірибе, проблемалар, келешекке арналды. Үздік зерттеулер университет сайтында жарияланады.
Осыған ұқсас
«ЗАМАНАУИ БІЛІМ БЕРУДЕГІ ТРЕНДТЕР» ТАҚЫРЫБЫНДА КЕЗДЕСУ ӨТТІ
27 Қараша 2025, 13:05
УНИВЕРСИТЕТ РЕКТОРЫ ФИЛОСОФИЯ PhD ДОКТОРЛАРЫМЕН КЕЗДЕСТІ
27 Қараша 2025, 11:07
«ЖАРҚЫРА, СТУДЕНТ!» АПТАЛЫҒЫНЫҢ МАРАПАТТАУ КЕШІ ӨТТІ
26 Қараша 2025, 13:09
Хабарландыру 25.11.2025
25 Қараша 2025, 16:03
ФИЛОСОФИЯ ДОКТОРЫ ҒЫЛЫМИ ДӘРЕЖЕСІН ИЕЛЕНДІ!
25 Қараша 2025, 11:11
ҰТҚЫРЛЫҚ БАҒДАРЛАМАСЫМЕН КЕЛГЕН ШЕТЕЛДІК ПРОФЕССОРДЫ ҚАБЫЛДАДЫ
24 Қараша 2025, 16:13
ҰСТАЗ, ҒАЛЫМ ГҮЛЖАН СҮГІРБАЕВАНЫҢ ҒЫЛЫМИ-ПЕДАГОГИКАЛЫҚ ҚЫЗМЕТІНЕ 35 ЖЫЛ
21 Қараша 2025, 18:52
ZHANIBEKOV UNIVERSITY-де ЮНИСЕФ-тің ҚАЗАҚСТАНДАҒЫ ТҰҢҒЫШ ХАБЫ АШЫЛДЫ!
21 Қараша 2025, 10:55
Хабарландыру 20.11.2025
20 Қараша 2025, 11:56
СТУДЕНТТЕР ЕҢБЕК НАРЫҒЫНДАҒЫ СҰРАНЫСПЕН ТАНЫСТЫ
19 Қараша 2025, 11:01