ӘДЕБИЕТ СЫНШЫСЫ, ПРОФЕССОР ҚҰЛБЕК ЕРГӨБЕК ЖАСТАРМЕН КЕЗДЕСТІ

11 Наурыз 2025, 15:06

Медиа Орталық

«Өткен ғасырдың отызыншы жылдарынан жетпісінші жылдарға дейінгі қазақ әдебиетінің дәуірі Мұхтар Әуезовтікі болса, жетпісінші жылдардан бүгінге дейінгі дәуірі Әбіш Кекілбаевтікі!»

Бұл — әдебиет сыншысы, жазушы Құлбек Ергөбектің әдеби тұлғаларға берген бағасы. Zhanibekov University-де өткен шығармашылық кездесуде қаламгер қазақ әдебиетінің кешегісі мен бүгінін саралап, болашағына бағдар жасады. Қай заманда болмасын әдебиетті дәуірдің өзі тудыратынын ойлы оқырманға батыл пікірлерімен түйсіндірді. Ұстазы Бейсенбай Кенжебаевты ерекше құрметпен еске алып, тағылымы мол естеліктерді жаңғыртты.

Ашық дәріс форматында өткен шығармашылық кездесудің екінші кезеңінде кеш кейіпкері студенттердің сұрақтарына жауап берді. Шараны университет Басқарма төрағасы-ректор міндетін атқарушы Гүлжан Сүгірбаева жүргізіп отырды. Әсерлі әрі тағылымды кездесуді филология факультеті ұйымдастырды.