Zhanibekov University мен Әзірбайжанның жетекші университеттері арасында меморандумға қол қойылды!

4 Наурыз 2025, 14:14

Медиа Орталық

Zhanibekov University Әзірбайжан мемлекеттік педагогикалық университетімен және Әзірбайжан тілдер университетімен академиялық және ғылыми ынтымақтастықты дамыту мақсатында меморандумға қол қойды.

Меморандум аясында:

Студенттер мен оқытушылардың академиялық ұтқырлығы – білім алушылар мен профессор-оқытушылар құрамына екіжақты білім беру бағдарламаларына қатысу мүмкіндігі беріледі.

Бірлескен ғылыми зерттеулер – екі университеттің ғалымдары өзара тәжірибе алмасып, инновациялық жобаларды жүзеге асырады.

Білім беру бағдарламаларын дамыту – жаңа оқу курстары мен бірлескен білім беру бастамалары іске асырылады.

Мәдени және ғылыми байланыстарды нығайту – ғылыми конференциялар, семинарлар мен симпозиумдар ұйымдастырылады.

Бұл келісімдер Қазақстан мен Әзірбайжан арасындағы білім және ғылым саласындағы серіктестікті нығайтуға, сондай-ақ студенттер мен оқытушыларға жаңа мүмкіндіктер ашуға бағытталған.

Zhanibekov University халықаралық ынтымақтастықты кеңейтіп, жаңа білім кеңістіктерін ашуды жалғастырады!