30.01.2025 күні Ө. Жәнібеков атындағы Оңтүстік Қазақстан педагогикалық университеті  Филология факультеті Ағылшын тілі кафедрасының ұйымдастыруымен “Шетел тілін дамыта оқыту перспективалары мен жаңашылдық бағыттары: неміс және түрік тілдері материалдары негізінде» тақырыбындағы өңірлік  ғылыми-әдіснамалық cеминар университетіміздің «Тұмар» ғимаратында өтті.

Семинарды  Ағылшын тілі кафедрасының меңгерушісі, п.ғ.к., доцент м.а.  Г. И. Сманова қатысушыларға сәттілік тілеп құттықтау сөзбен ашып берді.

Семинардың беташарын  Қожа Ахмет Ясауи атындағы Халықаралық қазақ-түрік университеті Дайындық тіл орталығы Түрік тілі кафедрасының  доценті, доктор Мурат КОЧАК «Жоғалу қаупі бар Карай түрікшесін оқытудың жолдары» атты тақырыппен қазақ тілінде бастады.

Екінші болып Қорқыт ата атындағы университеттің  Білім беру және педагогика институты Шет тілдер және аударма кафедрасының оқытушысы Метин Эрдоган «Түрікше үйрету кезінде кездесетін аймақтық және мәдени жағдайлар (мәселелер/қиындықтар)» атты тақырыпта жалғастырды.

Қашықтан семинарға қатысқан Әл-Фараби атындағы Қазақ ұлттық университеті Филология факультеті, Түркітану және тіл теориясы кафедрасының аға оқытушысы, PhD доктор Сұлтанбек Кутлугжон Бахритдинұлы  «Қазақстанда шетелдіктерге түрікше үйретуде кездесетін мәселелер: Әл-Фараби білімгерлері үлгісінде (А1-С2)» атты тақырыпта өзінің тәжірибесімен бөлісті.

Ө. Жәнібеков атындағы ОҚПУ Филология факультеті Ағылшын тілі кафедрасының доценті, филология ғылымдарының кандидаты  Айнабекова Теңгегүл «Неміс тілін екінші шетел тілі ретінде оқыту мәселесі» атты тақырыбында ағылшын тілі арқылы неміс тілін салыстыра оқытудың ұтымды жақтарын баяндады.

Қожа Ахмет Ясауи атындағы Халықаралық қазақ-түрік университеті Дайындық тіл орталығы Түрік тілі кафедрасының оқытушысы, доктор Дженнет Алтундаш «Қазақтарға түрікше оқыту:  әдеби мәтіндерді таңдауда ортақ құндылықтар» атты тақырыпта,  Қожа Ахмет Ясауи атындағы Халықаралық қазақ-түрік университеті Дайындық тіл орталығы Түрік тілі кафедрасының оқытушысы, доктор Угур Алтундаш «Туваша оқыту: тұлға қалыптасуы және мәдени жалғастық» атты тақырыпта, Қожа Ахмет Ясауи атындағы Халықаралық қазақ-түрік университеті Филология факультеті Ағылшын тілі кафедрасының аға оқытушысы, PhD доктор Ержан Арғынбаев «Қазақстанда түрікшені шет тілі ретінде оқытуда кездесетін кейбір мәселелер» атты тақырыпта, Ө. Жәнібеков атындағы ОҚПУ Филология факультеті Ағылшын тілі кафедрасының  доценті,  филология ғылымдарының кандидаты  Аябек Байниязов «Түркі тілдерінде септік жалғауларын үйрету жолдары (түрік және қазақ тілдерінің материалдары негізінде)» атты тақырыпта, Ө. Жәнібеков атындағы ОҚПУ Филология факультеті Ағылшын тілі кафедрасының аға оқытушысы,  филология ғылымдарының кандидаты Жанар Байниязова «Түрікше оқыту: тілдік лексиканы меңгерту мақсатында сөздікпен жұмыс жүргізудің маңыздылығы» атты тақырыпта тартымды баяндама жасады.

Баяндамашыларды Ағылшын тілі кафедрасының оқытушылары мен “6В01703» Шетел тілі: екі шетел тілі мұғалімін даярлау мамандығы білімгерлері тыңдады. Семинар соңында қатысушыларға сертификат табысталды.

Ағылшын тілі кафедрасының оқытушысы, PhD Дүйсенова Маржан Модакасымовна 2022-2024 жылдарға арналған "Жас ғалым" жобасы бойынша жас ғалымдардың зерттеулерін гранттық қаржыландыруға арналған конкурста AP15473538 "Бастауыш мектептегі ағылшын тілін оқытуда геймификация: шет тілін цифрлық ойындар арқылы меңгеруге ынталандыру" жобасымен жеңімпаз деп танылды.