01.11.2024 ж. бас ғимараттың 234 аудиториясында Математика кафедрасының, профессор Н.С. Иманбаев пен ф.-м.ғ.д., профессор Ә.М. Сәрсенбі (М. Әуезов ат. ОҚУ) жетекшілігімен «Дифференциалдық операторлар және олардың қолданулары» атты жалпы қалалық ғылыми семинары болып өтті. Ғылыми семинарда Бельгияның GENT университетінен келген жерлесіміз, Ph.D, қауымдастырылған профессор Берікбол Тілләбайұлы Төребек

 «Сындық бейсызықтылықтармен берілген жартылай сызықты эволюциялық теңдеулер үшін біртекті емес сыртқы есептер»  тақырыбында баяндама жасады.

Бұл баяндамада сындық бейсызықтылықтармен берілген жартылай сызықты

эволюциялық теңдеулер үшін сыртқы есептердің шешімдерінің ұзақ

уақыттық мінез-құлықтары туралы талқыланды Қарастырылып отырған

есептер үшін глобал болмау нәтижелері алынды, бұл Икеда және т.б. [J.

Differential Equations, 269 (2020), no. 1, 563-594] еңбегіндегі соңғы

нәтижелерді толықтырады, мұнда сындық жағдайлар ашық қалғандығы туралы мәліметтер айтылды.

Сонымен қатар,  нәтижелердің бұрын Чжан [Proc. Roy. Soc]

Edinburgh Sect. A, 131 (2001), no. 2, 451-475] және Джлели-Самет

[Nonlinear Anal., 178 (2019), 348-365] қойған кейбір ашық сұрақтарына

ішінара жауаптар бергенін баяндады

Бұл баяндамадағы негізгі нәтижелер жақында Journal of Differential

Equations журналында жарияланған. Семинарға Математика кафедрасының 4-ші курс студенттері, 2-ші курс магистранттары, кафедра меңгерушісі Г. Жетпісбаева, педагогикадан Рh.D Д. Сапақов, ғылыми математикадан Ph.D Б.Н. Сейлбеков, ОАИУ-нен ф.-м.ғ.к., доцент А.В. Роговой, М. Әуезов ат. ОҚУ-нен Рh.D Э. Мүсірепова, Түркістандағы Қ.А. Ясауи ат. ХҚТУ-нен Ph.D М. Бөріханов және Ph. докторанттар қатысты. Талқылауға семинар жетекшілері жіті қадағалап үлкен баға берді.

24-26 қазан 2024 ж. Ташкент қ. М. Ұлықбек атындағы Өзбекстан Ұлттық университетінде және В.И. Романовский атындағы Өзбекстан Ғылым Академиясының Математика Институтында өткен Классикалық емес математикалық физика теңдеулері және олардың қолданулары атты Халықаралық ғылыми конференцияда Ө. Жәнібеков атындағы ОҚПУ атынан профессор Н.С. Иманбаев «Жүктелген еселі дифференциалдау операторының түбірлік векторлар жүйесінің базистілік қасиетке ие болмауы туралы» тақырыпта жаңа нәтижелерін баяндап қайтты. Конференцияда осы тақырып бойынша терең мамандар, М.В. Ломоносов атындағы Мәскеу мемлекеттік университетінің «Дифференциалдық теңдеулер» кафедрасының меңгерушісі, профессор Игорь Сергеевич Ломов, осы университеттің профессоры Александр Павлович Солдатов, Новосибирск университетінің кафедра меңгерушісі, профессор Геннадий Демиденко алынған нәтижелерді құптап қолдады.

29-шы қараша 2024 ж. Математика кафедрасында жалпы қалалық «Дифференциалдық теңдеулер және олардың қолданулары» атты профессор Н.С. Иманбаев пен ф.-м.ғ.д., профессор Ә.М. Сәрсенбінің (М. Әуезов ат.ОҚУ) жетекшілігіндегі ғылыми семинарда Ph.D, аға оқытушы Болат Сейлбеков баяндама жасады. Семинарға 2-курс магистранттары, 4-курс студенттері, ОҚ Фарм. акалемияның кафедра меңгерушісі, ф.-м.ғ.к., қауымдастырылған профессор М.Б. Иванова, ОАИУ-нің математика кафедрасының доценті, ф.-м.ғ.к. А.В. Роговой, М. Әуезов университетінің аға оқытушысы, Ph.D Эльмира Мүсірепова, 2 университеттің докторанттары қатысты. Жеткілікті түрде баяндама семинар жетекшілері мен мүшелері тарапынан талқыланды.

06-шы желтоқсан 2024 ж. күні Математика кафедрасында профессор Н.С. Иманбаевтың жетекшілігінде өтетін жалпы қалалық «Дифференциалдық операторлар және олардың қолданылуы» атты ғылыми семинарға «Астана IT» университетінен профессор Тұрдыбек Нұрлыбекұлы мен ф.-м.ғ.к., қауымдастырылған профессор Мәди Райхан арнайы келіп баяндама жасады. Семинарға пед. ғ.д., университет профессоры Р.І. Қадірбаева, пед.ғ.к., кафедра меңгерушісі Г.О. Жетпісбаева, магистр оқытушы Улдан Мұратбекова, докторант А. Битемір, 2-ші курс магистранттары қатысып, заманауи теориялық таза математика ғылымындағы жаңа нәтижелерден мәліметтер мен нәтижелерді тыңдады.

6 -шы ақпан 2025 ж. күні, профессор Н.С. Иманбаевтың жетекшілігімен жалпы қалалық «Дифференциалдық операторлар және олардың қолданулары» атты ғылыми семинардың кезекті баяндамасы тыңдалып, талқыланды. «Several Problems in Characterization of the Partitions Belonging to Graphs with Given» — «Берілген графтарда сипатталатын бөлімдердегі бірнеше есептер» тақырыбында М. Әуезов атындағы ОҚУ-нен келген профессор, техника ғылымдарының докторы Арнольд Михайлович Бренер баяндама жасады. Графтар теориясының қолданылу аясындағы математикалық модельденетін бірнеше классикалық емес есептер талқыланды. Профессор А.М. Бренердің Америка Құрама Штаттарының мамандандырылған  Web of Science деректор қорының Q1 көрсеткішіндегі басылымында жарияланған нәтижелері тыңдалды. Семинарға 4-ші курс студенттері, 2-ші курс магистранттары, Ph.D, аға оқытушы Б.Н. Сейлбеков, каф. меңгерушісі м.а., пед.ғ.к. Г.О. Жетпісбаева, магистр-оқытушы Ұ. Мұратбекова, ф.-м.ғ.к., доцент А.В. Роговой (ОАИУ, Шымкент), Ph.D Э. Мүсірепова (М. Әуезов ат. ОҚУ) және М. Әуезов ат. ОҚУ-нің професор Ә.М. Сәрсенбінің жетекшілігіндегі ғылыми математика мамандығында оқитын докторанттар Ә. Иманбаетова, А.Ж. Бейсебаева қатысты. 

6-наурыз 2025 ж. 234 ауд. сағ. 11.00 –де профессорлар Н.С. Иманбаев, ф.-м.ғ.к. және Ә.М. Сәрсенбі, ф.-м.ғ.д. жетекшілігімен жалпы қалалық «Дифференциалдық операторлар және олардың қолданылуы» ғылыми семинарының наурыз айындағы кезекты отырысы өтті. Семинарда жоспарға сәйкес Бейсебаева Ақбөпе Жапбарқызы – докторант, М.Әуезов атындағы Оңтүстік Қазақстан университеті, Шымкент, Қазақстан, «Инволюциялы екінші ретті дифференциалдық теңдеу шешімдерінің асимптотикалық әсері» тақырыбында баяндама жасады. Семинарда  Ph.D Болат Сейлбеков, ф.-м.ғ.к., доцент Александр Роговой, Ph.D  Э. Мүсірепова талқылауға белсенді қатысты. Жетекші, профессор Ә.М. Сәрсенбі құнды пікірлермен бөлісті.

19-мамыр 2025 ж. Ө. Жәнібеков атындағы ОҚПУ, Математика кафедрасында өткізілетін жалпы қалалық «Дифференциалдық операторлар және олардың қолданулары» атты ғылыми семинарда профессор Н.С. Иманбаев «Жүктелген еселі дифференциалдау операторының түбірлік векторлар жүйесінің базистілік қасиетке ие болмауы туралы» тақырыбында баяндама жасады. Баяндамада түбірлік векторлардың гильберт кеңістігінде толық, ортонормаланған жүйе болғанымен, базис құра алмайтындығы туралы жаңа нәтижелер талқыланды. Талқылауға семинар жетекшілерінің бірі, М.Әуезов атындағы ОҚУ профессоры, ф.-м.ғ.д. Ә.М.Сәрсенбі, ф.-м.ғ.к., доцент А.В.Роговой құлшыныспен қатысты.