Жобаның күтілетін негізгі нәтижелері

Негізгі қол жеткізген нәтижелер

2023 жыл

- бастауыш сынып оқушыларының метапәндік білігін қалыптастыру мәселесінің зерттелу жайы мен оларды шешу жолдары туралы ғылыми негізделген тұжырымдар;

STEM білім беру жағдайында бастауыш сынып оқушыларының метапәндік білігін қалыптастыру мәселесі бойынша философиялық, психологиялық, педагогикалық, ғылыми-әдістемелік еңбектері зерделенді және талданды.

- STEM білім беру жағдайында бастауыш сынып оқушыларының метапәндік білігін қалыптастырудың мүмкіндіктерін анықтау және негіздеу;

STEM білім беру жағдайында бастауыш сынып оқушыларының метапәндік біліктерін қалыптастырудың мүмкіндіктері анықталды: бірінші мүмкіндік - оқу процесін жоспарлауда метапәндік біліктерді қалыптастыруға бағытталған оқу іс-әрекеттерін ұйымдастыруды және енгізуді қамтиды; екінші мүмкіндік - STEM білім беру жағдайында оқыту арқылы бастауыш сынып оқушыларының бейнелі ой-өрісі дамып, пәннің жалпы мазмұнын өмірмен байланыстыру арқылы шығармашылық қабілеттерін дамытуға мүмкіндік беретін ғылыми-жаратылыстану және қоғамдық-гуманитарлық пәндерді кіріктіре оқытудың нәтижесінде оқушыларда әлемнің тұтас бейнесі қалыптасады; үшінші мүмкіндік - метапәндік біліктерді дамытуға бағытталған арнайы әдіс-тәсілдерді қолдануға бағытталған; төртінші мүмкіндік - STEM жағдайында оқушылардың зерттеу дағдыларын дамытуға мүмкіндік беретін кіріктірілген жобаларды іске асыруға бағытталған; бесінші мүмкіндік - бастауыш сынып оқушыларына арналған «Әлемнің құпиясы» атты факультативті курс бағдарламасын әзірлеп, оқу процесіне ендіру.

2024 жыл

- STEM білім беру жағдайында бастауыш сынып оқушыларының метапәндік білігін қалыптастырудың әдістемелік жүйесін әзірлеу;

Зерттеу барысында STEM білім беру жағдайында бастауыш сынып оқушыларының метапәндік білігін қалыптастырудың әдістемелік жүйесі әзірленді. Әдістемелік жүйенің құрылымы: әдістемелік жүйенің мақсаты мен міндеттерін; бастауыш сынып оқушыларының метапәндік біліктерін қалыптастырудың тұжырымдамалық негізін; STEM арқылы оқытудың  құралдары мен әдістерін; STEM-білім беру жағдайында бастауыш сынып оқушыларының метапәндік біліктерін қалыптастырудың жолдарын: бірінші жолы - пәнаралық және метапәндік тапсырмалар, екінші жолы - кіріктірілген жобаларды іске асырумен қамтамасыз етіледі.

- STEM білім беру жағдайында бастауыш сынып оқушыларының метапәндік білігін қалыптастыру және бастауыш білім беру процесінің тәжірибесіне енгізуге бағытталған педагогикалық іс-шаралар кешенін ұйымдастыру;          

ЖОО оқытушылары мен Шымкент қаласы, Қ.Спатаев атындағы №7 IT мектеп-лицейі мұғалімдеріне «STEM арқылы оқыту» атты әдістемелік семинар ұйымдастырылды. Әдістемелік семинар барысында «STEM білім беру жағдайында оқытудың мүмкіндіктері» туралы баяндама жасалып, STEM білім беру жағдайында PhET стимуляцияларын қолдану мүмкіндіктері айқындалып, «STEM технологиясын бастауыш білім беру процесіне енгізу жолдары» тақырыбында пікірталас (ой бөлісу, талқылау, диспут және т.б.) ұйымдастырылып, STEM негізінде әзірленген шағын жобалар ұсынылды.

Сондай-ақ, бастауыш сынып оқушыларымен «Магниттің сыры» атты тақырыпта тәжірибе жұмыстары, «Мен инженермін» атты тақырыпта ақылды үйдің жобасы таныстырылып; «Мен зерттеушімін» атты тақырыпта жасанды жанартау тәжірибесі және т.б. жұмыстар ұйымдастырылып, іске асырылды.

- STEM білім беру жағдайында бастауыш сынып оқушыларының метапәндік білігін қалыптастыруға бағытталған «Әлемнің құпиясы» атты авторлық курс бағдарламасын әзірлеу.

STEM білім беру жағдайында бастауыш сынып оқушыларының метапәндік білігін қалыптастыруға бағытталған «Әлемнің құпиясы» атты 34 сағаттан тұратын авторлық курс бағдарламасы әзірленді. Авторлық курс бағдарламасында STEM білім беру жағдайында оқу процесін ұйымдастыру, метапәндік біліктерді қалыптастыруға бағытталған тапсырмалар жан-жақты қарастырылды. Сондай-ақ, авторлық курс бағдарламасының күнтізбелік тақырыптық жоспары мен қысқа мерзімді жоспары құрастырылды. Тапсырмалар жүйесі зерттеу және тәжірибелік жұмыстар, STEM негізінде жоба әзірлеу және ақпараттық мәтіндерді талдау арқылы ұсынылды.

№

Жұмыстардың авторлары мен атаулары

Ескерту

2023 жылға

Халықаралық ғылыми конференцияларда жарияланған ғылыми еңбектер:

1

STEM білім беру жағдайында метапәндік біліктерін қалыптастырудың мүмкіндіктері //  Аса көрнекті қаламгер, ағартушы, педагог, журналист Жүсіпбек Аймауытұлының 135 жылдығына орай «Алаш ардақтысы Жүсіпбек Аймауытұлының рухани мұрасы: ұлттық идея,  мәдениет және көркемдік құндылықтар» атты халықаралық ғылыми-практикалық

конференциясының ғылыми мақалалар жинағы. – Шымкент, 2023 жыл. Б.17-22

2

Yesnazar A.Zh. Interdisciplinary teaching of primary education subjects // International  education congress 2023. Conference abstract book. Ankara, 2023. - pp. 1317-1323

3

«Метапән» ұғымының зерттелу жайы // «Ғылым және инновациялар: жаңалықтар, мәселелер мен жетістіктер» халықаралық ғылыми конференцияның материалдар жинағы. Астана, 2023. Б. 226-229

2024 жылға

Шетел ғылыми-тәжірибелік конференцияларында жарияланған мақалалар:

1

STEM білім беру бағытында бастауыш сынып оқушыларының шығармашылық іс-әрекетін қалыптастыру // «Өзбекәлі Жәнібеков құбылысы: тұлға тағылымы және педагогикалық құндылықтар» атты «Жәнібеков оқулары-1» Халықаралық ғылыми-теориялық конференциясының ғылыми мақалалар жинағы. 2024. - Б. 114-118.

Scopus  немесе  Jstore  базасындағы  басылымдарда  жарияланған  ғылыми  еңбектер:

2

Yesnazar A. et al. Methodological system for the formation of meta-subject skills of primary school students in the context of STEM education // Frontiers in Education. – Frontiers Media SA, 2024. – Т. 9. – С. 1340361. (Процентиль 62).

Оқу-әдістемелік  құралдар

3

Әлемнің құпиясы.  Авторлық  курс  бағдарлама  /  Есназар А.Ж.  – Шымкент:  Өзбекәлі  Жәнібеков  атындағы  Оңтүстік  Қазақстан педагогикалық университеті, 2024 - 64 бет.

Қазақстан Республикасы Ғылым және жоғары білім министрлігінің Ғылым және жоғары білім саласында сапаны қамтамасыз ету комитеті   ұсынған ғылыми басылымдарда жарияланған ғылыми еңбектер:

4

Design of a lesson plan in the context of STEM education for perspective primary school teachers. Abai Kazakh National Pedagogical University. Journal “Pedagogy and Psychology”. Volume 59 (2024): Issue 2 (June 2024).

Р/с №

Т.А.Ә. (бар болса), білімі, дәрежесі, ғылыми атағы

Негізгі жұмыс орны, лауазымы

Хирш индексі, ResearcherID, ORCID, Scopus Author ID сәйкестендіргіштері (бар болса)

Жобадағы немесе бағдарламадағы рөлі, сондай-ақ орындалатын жұмыстың сипаты

1

Есназар Асель Жаңабергенқызы

PhD, аға оқытушы

Өзбекәлі Жәнібеков атындағы Оңтүстік Қазақстан педагогикалық университеті,

«Бастауышта оқыту әдістемесі» кафедрасының аға оқытушысы

Хирша индексі - 2

ID идентификатор: https://orcid.org/0000-0002-8658-0135

Ғылыми жетекші

2

Жорабекова Айнур Назимбековна

PhD, қауымдастырылған профессор

М.Әуезов атындағы Оңтүстік Қазақстан университеті,

«Техникалық мамандықтар бойынша шетел тілі» кафедрасының меңгерушісі

Хирша индексі - 4

ID идентификатор: https://orcid.org/0000-0003-2697-8077

Ғылыми

кеңесші