Үздіксіз білім беру орталығы ОҚМПУ коммерциялық емес акционерлік қоғамы Директорлар Кеңесінің 2020 жылғы 29 шілдедегі шешімі негізінде (2020 жылғы                03 тамыздағы №4-109 бұйрығы) «Педагогикалық білімді жетілдіру және қайта даярлау бөлімі» деген атпен ашылып, 2020 жылдың 01 қыркүйегінен бастап жұмыс жасауда.     2022 жылдың 1-қазанынан бөлім атауы «Үздіксіз білім беру орталығы» боп өзгерді.

Үздіксіз білім беру орталығы университеттің Академиялық мәселелер жөніндегі проректорына тікелей бағынатын құрылымдық бөлім болып табылады. Орталық  оқытушы-профессорлар құрамының педагогикалық білімін жетілдіру және педагогтік білімі жоқ, тиісті бейіні бойынша педагогтің кәсіптік қызметіне алғаш рет кірісетін кәсіптік білімі бар тұлғаларды университет базасында қайта даярлауға қатысты  оқу үрдісін  жүзеге асырады. Сонымен бірге, ЖОО оқытушы-профессорлары мен мектеп мұғалімдерінің біліктілігін арттыру курсын ұйымдастырып, жүргізу мәселесі мен «Күміс университет» жобасы бойынша да жұмыстар жүргізіледі.