Ерназаров Көпжасар Айтбекұлы
Орталық басшысының орынбасары
Ерназаров Копжасар Айтбекович 1975 жылы Түркістан облысы, Ордабасы ауданы, Шұбар ауылында дүниеге келген. 1981-1990 жылдары Шұбар ауылындағы В. И. Ленин атындағы орта мектепке, 1990 – 1993 жылдар аралығында сол ауылдағы №34 – ші Орта кәсіптік - техникалық училищесін үздік белгімен бітірген. 1993-1998 жылдары Оңтүстік Қазақстан Мемлекеттік университетін тамамдаған. Еңбек жолын 1998 жылы Алматы қаласындағы Қазақстан Республикасы Қарулы Күштеріне қатысты әскери бөлімінде қарасты Жамбыл облысы, Луговой станциясындағы әскери бөлімде взвод командирі лауазымынан бастады. 1999-2001 жылдар аралығында Маңғыстау облысы, Түпқараған ауданы, Форт-Шевченко қаласындағы әскери бөлімде взвод командирі қызметінде жалғастырды. 2003-2006 жылдары Арыс қаласындағы әскери бөлімде оқ-дәрі сақтау бөлімінің аға маманы, оқ-дәрі сақтау бөлімінің бастығы лауазымында қызмет атқарды. 2006 - 2008 жылдары Ақмола облысы, Щучинск қаласындағы Ұлттық қорғаныс университетінің тыңдаушысы болып, «Техникамен қамтамасыз етуді басқару» мамандығы бойынша «Магистр» академиялық дәрежесімен және «Оперативтік тактикалық басқару» біліктігімен бітіріп шықты. 2008-2019 жылдары Арыс қаласындағы әскери бөлімде бөлім командирінің техникалық бақылау жөніндегі орынбасары, бөлім командирінің орынбасары – бас инженер, ариллериялық оқ-дәрілер сақтау базасының бастығы, штаб бастығы – бөлім командирінің бірінші орынбасары лауазымында қызмет атқарды. 2019 - 2021 жылдары Қарағанды облысы, Балқаш қаласында әскери бөлім командирі лауазымында қызмет атқарды. 2021-2022 жылдары Астана қаласындағы Қазақстан Республикасы Қорғаныс министрлігі Тыл және қару-жарақ бастығының басқармасы, Оқ-дәрілер бас басқармасының Техникалық бақылау басқармасының аға офицері лауазымында қызмет атқарды. 2022 - 2024 жылдары әскери бөлімінің командирі – гарнизонының бастығы лауазымында қызмет атқарды.
Қазіргі уақытта Өзбекәлі Жәнібеков атындағы Оңтүстік Қазақстан педагогикалық университеті КеАҚ қарасты әскери дайындық және патриоттық тәрбиелеу орталығы басшысының орынбасары қызметін атқарады.
Қарулы Күштеріндедегі мінсіз қызметі үшін I, ІI, IІI-ші дәрежелі және мерекелік медалдарымен марапатталған.
Әскери шені – запастағы полковник
