Бөлімнің негізгі мақсаты университет қызметінде заңдылықтың сақталуын қамтамасыз ету, сот және мемлекеттік органдарда университеттің, қызметкерлер мен білім алушылардың мүдделерін қорғау, Қазақстан Республикасының қолданыстағы заңнамасының нормаларын сақтау.

Бөлімнің негізгі мақсаты «Өзбекәлі Жәнібеков атындағы Оңтүстік Қазақстан педагогикалық университеті» коммерциялық емес акционерлік қоғамының (бұдан әрі – Қоғам) қызметіндегі құқықтық іс-шараларды ұйымдастыру, басқару және бақылау болып табылады.

Негізгі мақсатқа жету үшін Бөлімге бірқатар міндеттер мен функциялар жүктеледі:

1) Міндеті: Қоғам қызметінде заңдылықтың сақталуын қамтамасыз ету.

Функциялар:

- Бөлімнің қызметін жоспарлайды, Қоғамға жүктелген міндеттерді сапалы және тиімді орындауға бағытталған басқару функцияларын жүзеге асырады;

- құқықтық іс-шаралар бойынша ақпарат пен басқа да материалдарды талдайды, олар бойынша аналитикалық анықтамалар дайындайды, Қоғамның лауазымды тұлғаларының қарауына мәселелерді ұсынады, өз құзыреті шегінде анықталған кемшіліктерді жою және құқықтық жұмысты жетілдіру бойынша шаралар қабылдайды;

- Бөлімнің құзыретіне кіретін мәселелер бойынша жеке және заңды тұлғалардың өтініштерін қарайды.

2) Міндеті: Қоғамның мүліктік және басқа да мүдделерін заңды жолмен қорғау.

Функциялар:

- Қоғамның қызметіне қатысты құқықтық мәселелерді қарау кезінде мемлекеттік органдарда, соттарда және басқа да ұйымдарда белгіленген тәртіппен Қоғамның мүддесін қорғайды;

- сот ісіне дайындықты  ұйымдастырады және оның жағдайын талдайды.

3) Міндеті: Қоғам қол қоятын шарттарға құқықтық сараптама жүргізу.

Функциялар:

- келісімшарттарды әзірлеуге қатысады, шарттық жұмыстарға әдістемелік басшылық жасайды;

- шарттардың уақтылы және дұрыс жасалуын, шарттық міндеттемелердің орындалуын есепке алуды қамтамасыз етеді және шарттар бойынша өз міндеттемелерін тиісінше орындамаған тауарларды, жұмыстарды немесе қызметтерді ұсынушыларға жауапкершілік шараларын қолдануды қамтамасыз ету бойынша шаралар қолданады.

4) Міндеті: Қоғамның нормативтік құқықтық актілерінің жобаларын және құқықтық мәселелер бойынша басқа да құжаттарды әзірлеуге қатысу.

Функциялары:

- Қоғамның Басқарма Төрағасы-Ректорының тапсырмасы бойынша Қоғамның құзыретіне кіретін құқықтық мәселелер бойынша нормативтік құқықтық актілерді әзірлейді;

- Қоғам бастамашылық еткен құқықтық актілер жобаларының заң талаптарына сәйкестігін тексереді, оларға келісім береді, ал қолданыстағы заңнамаға сәйкес келмеген жағдайда белгіленген мерзімде анықталған ескертулерді жою жөнінде ұсыныстар енгізеді;

- Қоғамның Басқарма төрағасы-Ректоры бұйрықтарының жобаларына, сондай-ақ, Қоғамның құрылымдық бөлімшелерінің қызметінің мәселелері бойынша Құжаттамалық қамтамасыз ету бөлімінің құзыреті шегінде құқықтық сараптаманы жүзеге асырады;

- Қоғамның Басқарма төрағасы-Ректорының тапсырмасы бойынша Қоғамның қарауына келіп түскен, мемлекеттік органдар мен ұйымдар әзірлейтін нормативтік құқықтық актілердің жобаларын қарауға қатысады;

- Қоғамның құқықтық жұмысы туралы есептерді дайындайды;

- Бөлім қызметкерлеріне қойылатын біліктілік талаптары мен лауазымдық нұсқаулықтарды әзірлейді.

5) Міндеті: Қазақстан Республикасының қолданыстағы заңнамасын түсіндіру, баршаны құқықтық ақпараттандыруды ұйымдастыру.

Функциялар:

- Қоғамда баршаны құқықтық ақпараттандыруды ұйымдастыру шараларын қабылдайды;

- белгіленген тәртіпте отырыстарды шақырады және семинарлар өткізеді;

- Қоғамның Басқарма төрағасы-Ректорының тапсырмасы бойынша қолданыстағы заңнама бойынша ақпараттық материалдарды дайындайды.

6) Міндеті: Заңнамаларды қолдану тәжірибесін жалпылау.

Функциялар:

- Бөлімнің құзыретіне енетін мәселелер бойынша Қазақстан Республикасының нормативтік құқықтық актілерінің мониторингін жүзеге асырады;

- Қоғамға келіп түскен Қазақстан Республикасының нормативтік құқықтық актілерінің жүйеленген электрондық есебін ұйымдастырады.