Каюпов Калдыбай Букенович 1971 жылы Оңтүстік Қазақстан облысы, Ленин ауданы, Ленин елді мекенінде дүниеге келген. 1979 – 1989 жылдары В. И. Ленин атындағы №1 орта мектепті оқып бітірді. 1989-1992 жылдары Ташкент қаласында «Телеграфтық байланыс және мәліметтерді жіберу» мамандығы бойынша Ташкент байланыс колледжінде оқып, арнайы орта білімін алған. 1995 жылы Ташкент жоғары жалпыәскери командалық училишесінің маңында орта әскери-арнайы білімі бар офицерлер даярлайтын курстар бөлімінде «Мотоатқыштар әскерлерінің тактикалық қолбасшылығы» мамандығы бойынша оқып, офицерлік лейтенант атағын алған. Еңбек жолын Өзбекстан Республикасы Қарулы Күштері қатарына әскери бөлімінің байланыс батальоны радиоқабылдау пунктінің техник-басшысы лауазымынан бастап, байланыс батальоны байланыс торабының қабылдау радиопунктінің бастығы, арнайы радиоқабылдау взводының командирі, батальонының радиоқабылдау ротасының командирі, батальон командирінің қару-жарақ жөніндегі орынбасары –стационарлық техникалық бөлімшесінің бастығы лауазымдарында қызмет атқарған. 2001 жылдан бастап Қазақстан Республикасы Қарулы Күштер қатарына, Шымкент қаласындағы әскери бөлімінің оқу ротасының взвод командирі лауазымынан бастап басқару ротасының командирі, бөлімінің штаб бастығы, жеке радиотехникалық батальонының командирі, бөлімнің материалдық-техникалық қамтамасыз ету бөлімінің метрологиялық қызметінің бастығы лауазымдарын атқарған. 2017- 2019 Оңтүстік Қазақстан медициналық академиясында әскери кафедрасында мұғалімі. Қазіргі таңда Өзбекәлі Жәнібеков атындағы Оңтүстік Қазақстан педагогикалық универстетіні әскери кафедра бастығының орынбасары. Мемлекеттік және бірнеше мәрте мерекелік төсбелгілермен, ҚР ҚМ алғыс хаттарымен марапатталған. 1996-1998 жылдар аралығында Алматы қаласындағы «Қайнар» унивеситетінің заң факультетінде оқып, заңгер мамандығын алған. Әскери шені ¬– запастағы майор.

Қурбанов Марс Тохтахунович 1973 жылы Алматы облысы Ұйғыр ауданы Шарын ауылында дүниеге келген. 1980-1990 жылдары Шарын орта мектебін оқып бітірген. 1991-1996 Қ.Сәтбаев атындағы Қазақ ұлттық техникалық университетін бітірдім. Аталған университет қабырғасында әскери білім алып лейтенант атағы берілді. Еңбек жолын 1996 жылы Жаркент қаласындағы Қазақстан Республикасы Қарулы Күштеріне қарасты әскери бөлімінде мотоатқыш батальоны минаатқыш батареясы минаатқыш взводының командирі лауазымынан бастады. Сол әскери бөліміде гаубица – артиллериялық дивизионның гаубица-артиллериялық батареясының гаубица-артиллериялық взводының командирі, гаубица-артиллериялық батареясының командирі, басқармасының артилерия штабының бастығы - артилерия бастығының көмекшісі болып қызмет атқарған. 2007-2010 жылдары Сары-өзек кентіндегі әскери бөлімінің гаубица – артиллериялық дивизион командирінің қару-жарақ және әскери техника жөніндегі орынбасары қызметін атқарды. 2010-2013 жылдары Шымкент қаласындағы әскери бөлімінде гаубица – артиллериялық дивизион командирінің қару-жарақ және әскери техника жөніндегі орынбасары, қаммасыз ету батальонының командирі лауазымында қызмет атқарды, 2013-2016 жылдары Өскемен қаласындағы әскери бөлімінде мотоатқыш батальон командирінің қару-жарақ және әскери техника жөніндегі орынбасары қызметін атқарды. 2016-2020 жылдары Жамбыл облысы, Қордай ауданы, Гвардейский қалашығындағы әскери бөлімінің материалдық-техникалық қамтамасыз ету орталығының штаб бастығының техникалық қамтамасыз ету жөніндегі орынбасары, әскери бөлімінің материалдық-техникалық қамтамасыз ету орталығының штаб бастығы лауазымына қызмет атқарған. Қазіргі таңда Өзбекәлі Жәнібеков атындағы Оңтүстік Қазақстан педагогикалық универстетінінің әскери кафедра бастығының қару-жарақ және әскери техника жөніндегі орынбасары лауазымында қызмет атқарады. Қарулы Күштеріндедегі мінсіз қызметі үшін I, ІI, IІI-ші дәрежелі және мерекелік медалдарымен марапатталған. Әскери шені ¬– запастағы подполковник.