Диханбаев Асылхан Есенгелдіұлы
Арнайы мамандықтар және сержанттар циклының бастығы
Диханбаев Асылхан Есенгелдиевич 1975 жылы Оңтүстік Қазақстан облысы, Отырар ауданы, Шәуілдір ауылында дүниеге келген. 1982-1991 жылдары Шәуілдір ауылында Ж. Жабаев атындағы орта мектебіне білім алып, 1991- 1993 жылдары №36 Орта кәсіптік-техникалық училищесінде оқыған. 1993 -1997 жылдары Алматы қаласындағы И. Конев атындағы Жоғары жалпыәскери командалық училищесінде оқып, лейтенант әскери атағын алған. Еңбек жолын 1997 жылы Алматы облысы, Кербұлақ ауданы, Сарыөзек кентінде Қазақстан Республикасы Қарулы Күштеріне қарасты 29108 әскери бөлімінде артиллериялық оқу батареясының взвод командирі лауазымынан бастап, гаубицалық өзі жүретін артиллерия батарея командирі лауазымында қызмет атқарған. 2005-2009 жылдары Алматы облысы Панфилов ауданы, Жаркент қаласындағы әскери бөлімінде жеке өздігімен жүру артиллериялық дивизион командирі, жеке гаубицалық артиллерия дивизион командирі лауазымдарында қызмет атқарды. 2009-2010 жылдары Шығыс Қазақстан облысы Семей қаласындағы әскери бөлімінің артиллериялық барлау дивизион командирі лауазымында қызмет атқарды. 2010-2020 жылдары Жамбыл облысы, Қордай ауданы, Гвардейский қалашығындағы әскери бөлімінде артиллериялық барлау дивизион командирі, барлау бастығы, материалдық – техникалық қамтасыз ету батальон командирі лауазымдарында қызмет атқарған. Қазіргі уақытта Өзбекәлі Жәнібеков атындағы Оңтүстік Қазақстан педагогикалық университетінің әскери кафедрасының арнайы мамандықтар және сержанттар цикл бастығы лауазымында қызмет атқарады. Қазақстан Республикасы Қарулы Күштеріндедегі мінсіз қызметі үшін I, ІI, IІI-ші дәрежелі ҚР ҚК ардагері және мерекелік медалдарымен наградталған. Әскери шені ¬– запастағы гвардия подполковник.
