Демеуов Ахан Калыбаевич 

«Денешынықтыру және спорт» факультетінің деканы, доцент, педагогика ғылымдарының кандидаты

1983 жылы 9 сәуірде ОҚО, Төлеби ауданы, Елтай ауылында дүниеге келген. 

2000-2004 жылдар арасында Қ.А.Ясауи атындағы ХҚТУ де «Бастапқы әскери дайындық және дене тәрбиесі» мамандығы бойынша білім алып, оқытушы біліктілігін алған. 2021-2023 жылдар арасында Шымкент университетінде Педагогика және психология мамандығы бойынша білім алған. 26.08.2004 жылдан М.Әуезов атындағы Оңтүстік Қазақстан мемлекеттік университетіне «Бастапқы әскери дайындық» кафедрасының оқытушысы, 20.05.2006 жылдан техникалық мамандықтар бойынша сырттай оқу факультетінің декан орынбасары, 07.09.2006 жылдан шетел студенттерімен жұмыс жүргізу жөніндегі факультетінің деканы, 14.10.2007 жылдан бастап Астана қаласы 68665 әскери бөлімінің өрт сөндіру қызметінің бастығы, 26.05.2008 жылдан 73805 әскери бөлімінің азық-түлік киім кешек қызметінің бастығы қызметін атқарған. 28.05.2010 жылы кандидаттық диссертациясын қорғап, 20.12.2010 жылы педагогика ғылымдарының кандидаты ғылыми атағын алды. 04.01.2011 жылдан М.Әуезов атындағы Оңтүстік Қазақстан мемлекеттік университеті «Спорт және туризм» факультетінің «Бастапқы әскери дайындық» кафедрасының аға оқытушысы, 01.03.2011 жылдан «Бастапқы әскери дайындық» кафедрасының меңгерушісі міндетін атқарушысы, 27.08.2011 жылдан бастап «Спорт және туризм» факультетінің деканы, 28.08.2013 жылдан «Бастапқы әскери дайындық» кафедрасының меңгерушісі, 20.02.2018 жылдан «Экономикалық, заң және аграрлық мамандықтар үшін дене тәрбиесі» кафедрасының меңгерушісі қызметін атқарған. 26.06.2019-05.01.2020ж.ж. аралығында дене тәрбиесі және спорт факультеті деканының міндетін уақытша атқарушы, 05.01.2020ж. - 15.09.2022ж. аралығында «Экономикалық, заң және аграрлық мамандықтар үшін дене тәрбиесі» кафедрасының меңгерушісі, 15.09.2022 жылдан «Спорт және туризм» факультетінің деканы, 27.08.2023 жылдан «Дене тәрбиесі және бастапқы әскери дайындықтың теориясы мен әдістемесі» кафедрасының доценті қызметін атқарған. 28.08.2025 ж. бастап Өзбекәлі Жәнібеков атындағы Оңтүстік Қазақстан педагогикалық университетінің «Денешынықтыру және спорт» факультетінің деканы қызметін атқаруда.

     Жалпы еңбек жолындағы ғылыми жұмыстарының саны 294. Оның ішінде 73 оқу құралы, 5 ғылыми монография, 6 электронды оқулық және 202 ғылыми мақаласы жарық көрді. Республикалық оқу-әдістемелік кеңесінен 8 оқу құралы жарық көрді. Атқарылған еңбектерінің нәтижесінде 2014 жылдың Жоғары оқу орнының үздік оқытушысы грантының иегері атанған. 2015 жылдың қараша айында Түркия мемлекетінде Анкара қаласында Гази университетінде ғылыми тағлымдамадан өткен. Болашақ бағдарламасы негізіндегі «500 ғалым» грантының иегері.       

Марапаттары:   

1. 2014 жылғы ЖОО Үздік оқытушысы атағының иегері;

2. «Аэроұтқыр әскерлерінің құрылғанына 10 жыл» медалі, 2.08.2012 ж; 

3. Кеңес одағының батыры Сабыр Рахымов медалі, 12 желтоқсан 2013 ж;

4. Бауыржан Момышұлының «Батыр шапағаты» медалі, 4.10.2012ж;

5.«Совет одағының батыры Б. Момышұлының туғанына 100 жыл «отан қорғаушыға» құрмет белгісі, медалі. 2013ж;

6.«Мінсіз қызметі үшін» медалі 11.12.2019ж;

7.«Армия генералы С.Қ.Нұрмағанбетов» медалі. 12.02.2015ж;

8.«М.Әуезов атындағы ОҚМУ 75 жыл» мерекелік медалі 28.11.2018ж;

9. Қазақстан Педагогикалық Ғылымдар Академиясының «Үздік ұстаз» төсбелгісі, Алматы 2020ж.

10. Ұлттық инновациялық ғылыми-зерттеу орталығының ұйымдастыруымен өткен «ЖОО құрметті оқытушысы» төсбелгісі,  қазан 2020ж.

11. ҚР білім және ғылым саласына қосқан айрықша еңбегі үшін «Жылдың үздік педагогы» және төсбелгісі, Астана 2022 жыл.

Лес Елдос Әбдімақсұтұлы 30-маусым 1993 жылы ОҚО Төлеби ауданы, Зертас ауылында дүниеге келген.

2011-2015 жылдар арасында М.Әуезов атындағы ОҚМУ де «Бастапқы әскери дайындық» мамандығы бойынша білім алып (үздік), бакалавр біліктілігін алған. 2017-2019 жылдар арасында Аймақтық әлеуметтік-инновациялық университетінде «Педагогика және психология» мамандығы бойынша білім алып, магистр дәрежесін алған.2020-2022 жылдар арасында М.Әуезов атындағы ОҚУ де «Дене шынықтыру және спорт» мамандығы бойнша білім алып, бакалавр біліктілігін алған.

2015-2018 жылдар арасында Оңтүстік Қазақстан көпсалалы колледжінде АӘД пәнінің оқытушысы қызметін атқарған. 2019 жылдан М.Әуезов атындағы Оңтүстік Қазақстан мемлекеттік университетіне «Дене тәрбиесі және бастапқы әскери дайындықтың теориясы мен әдістемесі» кафедрасының аға оқытушысы. 02.09.2025 ж. күннен бастап Өзбекәлі Жәнібеков атындағы Оңтүстік Қазақстан педагогикалық университетінің Дене шынықтыру теориясы мен әдістемесі» кафедрасының аға оқытушысы қызметін атқаруда.

Жаппарбекова Айнур Талгатовна 1989 жылы Түркістан облысы Шымкент қаласында дүниеге келдім.   1995 жылы №25 Тұрар Рысқұлов атындағы этно-педагогикалық мектеп-гимназиясына бардым. 2001 жылы отбасы жағдайыма байланысты Түркістан облысы Созақ ауданы Сызған ауылына Құрал Рүстемов атындағы мектепте алтыншы сыныпқа ауыстым. 2003 жылы отбасы жағдайыма байланысты Шымкент қаласындағы №25 Тұрар Рысқұлов атындағы этно-педагогикалық мектепте оқуымды жалғастырдым. Мектепті 2006 жылы бітірдім. 

     2006 жылы Қ.А.Ясауи атындағы Халықаралық Қазақ Түрік университетінде оқуға түстім. Оқуды 2010 жылы саясаттану мамандығы бойынша бакалавр дәрежесі бойынша бітіріп дәрежесі бойынша бітіріп шықтым. 2010 жылы Академиялық инновациялық университетіне түстім. 2012 жылы саясаттану мамандығы бойынша магистр дәрежесі берілді. 

    2013 ОҚМПУ «Қазақстан тарихы және қоғамдық пәндер» кафедрасына жұмысқа кірдім.  2021 жылдан  «Қазақстан тарихы және қоғамдық пәндер» кафедрасында саясаттану пәнінен оқытушы қызметін атқардым.2025 жылдан бастап дене шынықтыру және спорт факультетінде әдіскер қызметін атқарудамын.

Сайыпова Мадина Мейрхақызы 2001 жылы 7 ақпанда дүниеге келген. 2007 жылы Төлеби ауданы, Қаратөбе ауылы, Қаратөбе жалпы орта мектебінде 1 сыныпта оқып, 2018 жылы мектепті аяқтадым. 2019 жылы  Оңтүстік Қазақстан мемлекеттік педагогикалық университетіне Жаратылыстану факультеті, Биология мұалімін даярлау мамандығында оқып 2023 жылы оқуды бітірдім. 2023 жылы Өзбекәлі Жәнібеков атындағы Оңтүстік Қазақстан педагогикалық университетінде Дене шынықтыру және спорт факультетінде лаборант қызметінде жұмыс жасаймын.

         Шегенбаев Нұрқасым Бейсенбайұлы 1969 жылы 16 қазанда Оңтүстік Қазақстан облысы, Түркістан ауданы Майдантал ауылында  дүниеге келді. 1976-1986 жылдар аралығында «XX партсъезд» атындағы жалпы орта мектебінде оқып үздік бітірді. 1986 жылы М.Ауезов атындағы Шымкент педагогикалық институтына оқуға түсіп, 1988-1989 жылдары әскер қатарында болды. 1991 жылы  Шымкент педагогикалық институтын үздік дипломмен бітірген. 1991-1993 жылдар аралығында Шымкент совхоз техникумында оқытушы қызметін атқарған.

      1993-2001 жылдар арасында М.Әуезов атындағы Оңтүстік Қазақстан мемлекеттік университетінде оқытушы қызметін атқарған. 1997-1999 жылдары М.Әуезов атындағы Оңтүстік Қазақстан мемлекеттік университетінде ғылыми ізденуші болды. 2001 жылы Қ.А.Ясауи атындағы Халықаралық қазақ-түрік университеті Шымкент институтына аға оқытушы қызметіне ауысты.

      Шегенбаев Нұрқасым 2004-2006 жылдар аралығында спорт факультетінің оқу-ісі жөніндегі  декан орынбасары, 2006-2011 жылдары аралығында спорт пәндері кафедрасының меңгерушісі қызметтерін атқарған. 2011 жылдан бастап Оңтүстік Қазақстан мемлекеттік педагогикалық институтында «Дене тәрбиесінің теориясы мен әдістемесі»  кафедрасының меңгерушісі, факультет деканы болып қызмет жасады. 

       2014 жылдың сәуір айынан бастап «Сырдария» университетінде «Дене тәрбиесі және спорт» факультетінің деканы болды.

       2018 жылдың сәуір айынан бастап «Сырдария» университетінде «Гуманитарлық білім» факультетінің деканы қызметін атқарды.

       2019 жылдың қыркүйек айынан «Сырдария» университетінің тәрбие істері  және әлеуметтік мәселелер жөніндегі проректоры  қызметіне тағайындалды.

      2016 жылы ақпан айында Ресей Федерациясының Білім және ғылым министрлігінің шешімімен педагогика ғылымдарының кандидаты дәрежесін алды.

      2019 жылдың 8 сәуірдегі Қазақстан Республикасы Білім және ғылым министрлігі, Білім және ғылым саласындағы бақылау комитетінің төрағасының №384 бұйрығымен 6D010800-Дене шынықтыру және спорт мамандығы бойынша философия докторы (PhD) дәрежесі берілді.

      2021 жылдың қыркүйегінен киелі қара шаңырақ Оңтүстік Қазақстан мемлекеттік педагогикалық университетінде «Бастапқы әскери дайындық және дене шынықтыру» кафедрасының меңгерушісі қызметін атқаруда.

Испандиярова Айгуль Мадияровна
Дене шынықтыру теориясы мен әдістемесі кафедраның меңгерушісі,

п. ғ. к., доцент м.а., Ө. Жанибеков атындағы ОҚПУ

Байланыс деректері:
Эл.пошта: bake.010@mail.ru

Ғылыми дәрежесі, ғылыми мектебі:

педагогика ғылымдарының кандидаты, 13.00.01-Жалпы педагогика, педагогика және білім тарихы, этнопедагогика мамандығы бойынша (Диплом № 0001173, 20.03.2006 ж.)

Кәсіби тәжірибе:

2018 ж. - қазіргі уақытқа
дейін Ө. Жанибеков атындағы ОҚПУ, Дене шынықтыру теориясы мен әдістемесі
кафедрасының меңгерушісі;
2008 - 2018 жж. аралығында
Л.Н. Гумилев атындағы Еуразия ұлттық университетінің дене шынықтыру және спорт
кафедрасының доценті;
2006 - 2008 жж. - дене шынықтыру және спорт кафедрасының аға оқытушысы, Л.Н.Гумилев атындағы Еуразия
ұлттық университеті;
2001 - 2006 жж ТиӘДМ және
валеология кафедрасының оқытушысы, М. Әуезов атындағы Оңтүстік Қазақстан
мемлекеттік университеті.

Қилибаев Әділбек Ағабекұлы, 1950 жылы 8 ақпанда Оңтүстік Қазақстан облысы, Арыс ауданы, Монтайтас ауылында дүниеге келді.

1957-1967 жылдары осы ауылда В.В. Маяковский атындағы орта мектебінде оқып бітірді.

1968-1970 жылдары Совет Армиясы қатарында әскери борышын атқарды.

1970-1972 жылдары ауылда жұмысшы болып еңбек етті.

1972-1976 жылдары Н.К. Крупская атындағы Шымкент педагогика институтының «Дене тәрбиесі мұғалімі» мамандығы бойынша бітірді.

1976-1977 жылдары Шымкент қаласындағы Ж.Жабаев атындағы №26 орта мектебінде дене тәрбиесінің жетекшісі қызметін атқарды.

1977-1990 жылдары Шымкент дене тәрбиесі техникумында жеңіл атлетика бойынша аға оқытушы қызметін атқарды.

1991-2003 жылдары М.Әуезов атындағы ОҚМУ «Дене тәрбиесі және спорт» факультетінің деканының орынбасары қызметін атқарды.

2002 жылы 13.00.00 – «Педагогика» мамандығы бойынша доцент ғылыми атағы берілді.

 2003-2005 жылдары М.Әуезов атындағы ОҚМУ «Дене тәрбиесі» және спорт» факультетінің деканы қызметін атқарды.

2005-2007 жылдары Халықаралық гуманитарлық техникалық университетінде оқу және тәрбие жөніндегі проректор қызметін атқарды.

2007-2010 жылдарпы М.Әуезов атындағы ОҚМУ «Дене тәрбиесі және спорт» факультетінің «Спорттық пәндер және жекпе-жектер» кафедрасының меңгерушісі қызметін атқарды.

2010-2014 жылдары М.Әуезов жылдары М.Әуезов атындағы ОҚМУ «Дене тәрбиесі және спорт» факультетінің «Техникалық мамандықтарға арналған дене тәрбиесі» кафедрасының меңгерушісі қызметін атқарды.

   2022 жылдан бастап Өзбекәлі Жәнібеков атындағы Оңтүстік Қазақстан педагогикалық университетінде доцент қызметін атқаруда.

Педагогикалық еңбек өтілі 48 жыл. Марапаттары: «Білім озаты», «Білім беру ісінің үздігі», ҚР Білім және ғылым министрлігінің құрмет грамотасы, «Дене тәрбиесі және спортты дамытуға» және жастарға патриоттық тәрбие беруде белсенді үлесін қосқаны үшін генерал Сабыр Рахимов пен Бауыржан Момышұлының «Батыр Шапағаты» төсбелгісімен марапатталды.