Колледж директоры 41 жыл еңбек өтілімі бар, жоғары санатты оқытушы, «Білім беру ісінің құрметті қызметкері» төсбелігісінің иесі Тунгатарова Жанна Мерекеевна 1965 жылы Оңтүстік Қазақстан облысы, Киров ауданы, Бағара ауылында дүниеге келген. 1982 жылы Сарыағаш қаласында, Михаил Ломоносов атындағы № 3 жалпы орта мектебін бітіріп, 1987 жылы  Шымкент педагогикалық институтын тәмамдап. Алғашқы еңбек жолын  Сарыағаш қаласындағы Октябрьдың 70 жылдығы мектебінде, тарих пәнінің мұғалімі қызметінен бастады. 1995 - 2014 жылдар аралығында «Әбілхан Кастеев атындағы өнер және дизайн» колледжінде жұмыс жасады.   2014 жылы Қазтұтынуодағының көпсалалы колледжінде директордың оқу-тәрбие ісі жөніндегі орынбасары қызметін атқарып, 2022 жылдары Қазтұтынуодағының көпсалалы колледжінде директор қызметін атқарды. Ал 2023 жылы 1 қарашада Өзбекәлі Жәнібеков атындағы Оңтүстік Қазақстан педагогикалық университеті жанынан ашылған Жүсіпбек Аймауытұлы  атындағы көпсалалы колледжінің директоры болып тағайындалды.