Набиалхан Жанерке Сакенқызы 2006 жылы 09 маусымда Түркістан облысы, Арыс қаласы, Монтайтас ауылында дүниеге келген. 2023 жылы Түркістан облысы, Арыс қаласында Б.Онтаев атындағы жалпы орта білім беретін мектепті «Үздік аттестатпен» аяқтаған. Мектеп қабырғасында белсенділік танытып, түрлі іс-шаралар ұйымдастыру мен қатысуға белсене атсалысқан. 2023 жылы Шымкент қаласындағы Өзбекәлі Жәнібеков атындағы Оңтүстік Қазақстан педагогикалық университетінде «Тарих және педагогика факультеті» 6В01101 - «Педагогика және психология» білім беру бағдарламасы бойынша 1101-13 тобының студенті атанды. Қазірде 1101-13 тобының топ басшысы және үздік студенті. Жанерке – тек оқу озаты ғана емес, сонымен қатар жан-жақты дамыған мақсатшыл студент. Жанеркенің ұйымдастырушылық қабілеті жоғары, әртүрлі іс-шараларды өткізіп, командамен тиімді жұмыс істей алады. Оның креативті ойлауы мен көшбасшылық қасиеттері оны өзгелерден ерекшелеп тұрады. Ол әрқашан жаңа білімге құштар, өзін-өзі дамытуға көп уақыт бөлетін белсенді студент. Болашақта өз мамандығы бойынша кәсіби білікті маман атанып, психология ғылымының дамуына өз үлесін қосуды көздейді.