Төребай Тұрмамбеков
Төребай Тұрмамбеков, Физика кафедрасы
Зерттеуінің аты: Development of Methods for the Formation of Astronomical Knowledge Among Students
Зерттеудің пайдасы: Жаңа CRISPR технологиясы зақымдалған нейрондарды қалпына келтіруге көмектеседі
Зерттеудің қысқаша сипаттамасы: Қазіргі
ақпараттық қоғам жағдайында мектеп оқушылары күн сайын әртүрлі және жиі
шындыққа жанаспайтын ақпараттар легімен бетпе-бет келеді. Бұл әсіресе
астрономия саласында айқын байқалады – бұл ғылым халық арасында үлкен
қызығушылық тудырғанымен, мектеп бағдарламасында шектеулі көлемде ғана
қамтылған. Соның салдарынан астрологияға сену, «Күннің жарылуы» немесе «сандар
сиқыры» секілді жалған көзқарастардың таралуына қолайлы орта қалыптасуда.
Осы мәселені шешу
мақсатында зерттеушілер тобы жоғары сынып оқушыларының астрономиялық білімін
тереңдетіп, мектептен тыс алынатын ақпаратқа сыни көзқарас қалыптастырудың
әдістемесін әзірлеуді мақсат етті. Зерттеу барысында оқу материалдары мен
бұқаралық ақпарат құралдарындағы астрономиялық тақырыптар талданып, оқушылармен
сауалнама жүргізіліп, жаңартылған оқыту әдістері бойынша педагогикалық
эксперимент жасалып, нәтижелер статистикалық тұрғыдан өңделді.
Зерттеудің
жаңалығы – псевдоғылыми идеяларды елемеудің орнына оларды оқу процесінде арнайы
талдау нысаны ретінде қолдануында. Осы мақсатта арнайы дидактикалық бірліктер
жүйесі әзірленіп, оған астрономиялық құбылыстар туралы жалған түсініктер,
астрологияға сыни көзқарас және ғылыми ұғымдардың БАҚ-та бұрмалануы секілді
тақырыптар ендірілді. Бұл тақырыптар сабақ барысында және сыныптан тыс
жұмыстарда оқушылармен талқыланды.
Эксперимент
нәтижесінде жаңартылған әдістеме бойынша оқыған оқушылардың ақпаратты сыни
тұрғыдан бағалау дағдылары артқаны, ғылыми дүниетанымға бейімділігі күшейгені
анықталды. Ең бастысы, бұл жетістіктер фактілік білім көлемін арттырумен емес,
ақпаратпен жұмыс істеу мәдениетін қалыптастырумен байланысты болды. Ал бақылау
және эксперименттік топтардың астрономия бойынша базалық білімі бірдей деңгейде
қалды, бұл әдістемелік жаңалықтың тиімділігін дәлелдеді.