АЛТЫ АЙДА ПЕДАГОГ БОЛУҒА МҮМКІНДІК БАР

12 Қараша 2024, 16:54

Медиа Орталық

Екінші жоғары білім алу үшін енді 6 айда педагог болуға мүмкіндік бар. Ол үшін 2 жыл уақыт жоғалтпай, 6 ай ішінде қажетті құзыреттіліктерді меңгеріп, педагог ретінде жұмыс істеу құқығын беретін сертификатқа ие бола аласыз.

Қазақстан Республикасы Білім және Ғылым министрінің 2020 жылғы 17 наурыздағы №110 «Педагогтік қайта даярлау қағидаларын бекіту туралы» бұйрығына сәйкес, 2020 жылдың қыркүйек айынан бастап Ө.Жәнібеков атындағы Оңтүстік Қазақстан педагогикалық университетінде педагогтерді қайта даярлау курсы ашылған.

Арнайы кәсіптік, техникалық білімі бар мамандар да педагогикалық қайта даярлау курстарынан өтіп, мектеп мұғалімі ретінде өздерін сынап, жаңа белестерге жол аша алады. Биылғы оқу жылында университетімізде 23 тыңдаушы білім алуда. Оқу мерзімі 6 айға жоспарланған, оның 10 аптасында мектепте кәсіптік практикадан өтеді. Курс соңында мектеп мұғалімі ретінде жұмыс істеуіне рұқсат беретін арнайы сертификатқа ие болады.