*Студент пікірі
Жуырда керемет тілші, керемет тұлға
Есей Жеңісұлымен сұхбаттасқан едік. Ең алдымен біз ол кісінің білікті комментатор және балалар журналының авторы екенін білдік. Оның өз ұлына арнап жазған кітаптары да бар екен. Есей Жеңісұлы өзінің өмір жолын баяндау арқылы, сұрақтарға жауап беру арқылы бізге жақсы көңіл күй мен мотивация бере алды. Жалпы қоғамда алар орны ерекше дара тұлға деп санаймын.
Абдула Майра 1703-13 тобының студенті
_________________________________
Біздің университетке Есей Жеңісұлы қонаққа келіп, өз өмір жолы мен шығармашылығымен бөлісті. Ол кісінің балалар журналистикасындағы еңбегі ерекше, әрі көптеген жас оқырман үшін рухани тәрбие мен білім көзі. Әңгіме барысында оның шеберлігіне, тыңдаушысын баурап алатын ықыласына және балаларға деген қамқорлығына тәнті болдық.
Есей Жеңісұлы бізге қарапайым өмір қағидаттарын сақтап, өз құндылықтарыңды жоғалтпау қаншалықты маңызды екенін тағы да еске салды. Бұл кездесу бізге ұмытылмас әсер қалдырып, жаңа шабыт берді. Мұндай рухани бай тұлғамен сұхбаттасу – өзімізге деген сенімді арттырып, болашаққа жаңа мақсаттар қойып, ұмтылуға деген күш берді.
Бұл іс-шараға қатысқаным үшін өте қуаныштымын және болашақта да осындай кездесулердің көбірек өткізілгенін қалаймын. Есей Жеңісұлы сынды дара тұлғалар әрқайсымызға үлгі болары сөзсіз.
1703-23 тобының студенті Алдамуратова Ақмарал
____________________________________
Белгілі журналист Есей Жеңісұлының есімі елге кеңінен таныс. Қарымды қаламгер қазақ басылымдарында табысты еңбек етті. Қазір республикалық «Ақ желкен» журналының бас редакторы. Спорт комментаторы ретінде де көрермен көңілінен берік орын алады. Жуырда «Тұмар – 2023» ұлттық телевизиялық байқауы қорытындыланды. Сонда Есей Жеңісұлы «Үздік спорт комментаторы» атанды. Отандық телеарналардың тікелей эфирінен көптеген спорт түрі бойынша тікелей репортаждар жүргізіп жүрген Есей Жеңісұлының дауысы көрермендерге жақсы таныс болғаны бәрімізге мәлім. Сонымен қатар оның қаламы қарымды журналист екені де еш күмән туғызбайды. Кезінде ол республикамыздағы белді басылымдарда қызмет етіп, спорт тақырыбының тереңіне үңілсе, қазіргі кезде «Ұлан» газетінің бас редакторы.
Есей Жеңісұлы бізге аз уақыт болсын көптеген мотивациялар беріп, басынан өткен қызықты әрі естен шықпас оқиғаларын айтты. Бұл іс-шараға келіп, өзінің бағалы уақытын бөліп, бізге ақыл-кеңестерін айтып, мотивациямызды оятқаны үшін үлкен алғысымызды білдіреміз! Есей Жеңісұлы дара тұлғалар біздің әрқайсысымыздың үлгі тұтар болғаны сөзсіз.
1703-43 тобының студенті Аманбек Арайлым