Бүгін университеттің Өзбекәлі Жәнібеков орталығы қоғам және мемлекет қайраткері Өзбекәлі Жәнібековтің еңбектерін талдау және насихаттау бойынша өткізілген пікірсайыс, бірыңғай эссе сағаты, челлендж, кітап талқыға қатысқан белсенді студенттерді марапаттады.

Белсенді студенттерге Басқарма төрағасы-ректор м.а Әлібек Нұртаевтың Алғыс хаты тапсырылды. «Өзбекәлі Жәнібековтің рухани мұрасы мен өнегелі еңбектерін насихаттауда белсенділік танытып, ұлттық мәдениет пен тарихи құндылықтарды дәріптеуге қосқан үлестеріңіз үшін алғыс білдіреміз» деді жастарға марапатты табыс еткен Стратегиялық даму және әлеуметтік істер жөніндегі проректор Баршагүл Исабек.

Өзбекәлі Жәнібековтің туғанына 95 жыл толуына орай ұйымдастырылған «Өзбекәлі Жәнібеков — мәдениет майталманы» тақырыбындағы бірыңғай эссе сағатына белсене қатысып, ұлттық құндылықтарды насихаттаған студенттер де осындай Алғыс хатпен марапатталды. Жәнібеков мұрасын жалғастырушы 40 студент оқу жылын осылай табысты қорытындылады. Ал, марапаттау жиынын орталық басшысы Эльмира Оразбаева ұйымдастырды.