БІЗДІҢ СТУДЕНТТЕР — БІРІНШІ

22 Қараша 2024, 17:36

Медиа Орталық

Өзбекәлі Жәнібеков атындағы Оңтүстік Қазақстан педагогикалық университетінде жастардың интеллектуалды әлеуетін арттыруға бағытталған "Зияткер ұлт" жобасы аясында қалалық зияткерлік сайыс өтті. Сайысты Шымкент қаласы ішкі саясат және жастар ісі жөніндегі басқармасының қолдауымен, “Amanat” партиясының жанындағы "Жастар рухы" жастар қанаты ұйымдастырды.
Білім жарысына қаладағы 8 университеттен 20 топ бақ сынасты. Сайыс қорытындысы бойынша оқу орнымыздың тарих және педагогика факультетінің "Жігер" командасы 1 орын иеленсе, Физика-математика факультетінің "Quantum" командасы 2 орын иеленді. Ал, 3 орынды М. Әуезов ОҚЗУ командасы қанжығасына байлады.