ӨЗБЕКӘЛІ ЖӘНІБЕКОВТІҢ ЕҢБЕКТЕРІН ЖАСТАРҒА ТАНЫТУ МАҚСАТЫНДА АШЫҚ ТӘРБИЕ САҒАТЫ ӨТТІ

12 Қараша 2024, 16:56

Медиа Орталық

Өзбекәлі Жәнібеков атындағы Оңтүстік Қазақстан педагогикалық университетінде тұлғатану бағытында мемлекет қайраткері, этнограф, тарих ғылымдарының кандидаты Өзбекәлі Жәнібековтің еңбектерін жастарға таныту мақсатында ашық тәрбие сағаты өтті. Іс-шараны тарих және педагогика факультетінің «Бастауышта оқыту педагогикасы мен әдістемесі мұғалімін даярлау» мамандығының оқу тобы ұйымдастырды.

Топ жетекшісі Ләззат Ақынова студенттерге тұлға туралы жан-жақты түсінік беріп, университетте рух сардарының есімін ұлықтау үшін атқарылып жатқан жұмыстармен таныстырды. Студент Мақтабек Әмина өзі шығарған «Өзбекәлі өсиеті» өлеңін оқып берді. Факультет деканы Гүлдариға Таутаева жәнібековтану бағытындағы жұмыстар жастар арасында жалғасын табатынын айтады.