Қазақстанда информатика пәнін оқытудың ерекшеліктері қандай?

7 Қазан 2024, 17:00

Медиа Орталық

Ереван қаласында ТМД мұғалімдері мен білім беру қызметкерлерінің “Өзгермелі әлемде білім беру: жаһандық діндердің мемлекеттердің білім беруін дамытуға ықпалы” атты VIIІ съезі өтті.

Съез барысында білім беру барысындағы жаңа стандарттар, жаңа білім беру парадигмалары, оқытудың жаңа тәсілдері, инновациялық технологияларды енгізуге және Тәуелсіз Мемлекеттер Достастығы шеңберінде білім беру сапасын қамтамасыз етуге қатысты маңызды мәселелер көтерілді.

VIIІ съезі Абовян атындағы Армения мемлекеттік педагогикалық университетінің базасында өтті. Қазақстандық делегацияны ҚР Оқу-ағарту министрлігінің бірінші вице-министрі Наталья Жұмаділдаева бастап барды. Қазақстаннан келген делегация педагогикалық білім беру жүйесінің заманауи мәселелерін талқылады.

Өзбекәлі Жәнібеков атындағы Оңтүстік Қазақстан педагогикалық университетінен п.ғ.к. физика-математика факультетінің деканы Альмира Ибашова «Қазақстан Республикасының мектептеріндегі информатика пәнін оқыту ерекшеліктері» тақырыбында баяндама жасады. Бұл съезд білім беру стандарттарын дамытуға және болашақ педагогтарды даярлауға бағытталған тәжірибе алмасу мен ынтымақтастық үшін маңызды алаңға айналды.