ZHANIBEKOV UNIVERSITY ҰЛТТЫҚ РЕЙТИНГТЕ 2-ОРЫНҒА ИЕ БОЛДЫ!

27 Маусым 2025, 16:26

Медиа Орталық

Білім берудегі сапаны қамтамасыз ету жөніндегі тәуелсіз агенттігі (IQAA) «Қазақстанның жетекші педагогикалық жоғары оқу орындарының 2025 жылғы ұлттық рейтингі» нәтижесінде Ө.Жәнібеков атындағы Оңтүстік Қазақстан педагогикалық университеті педагогикалық жоғары оқу орындары арасында 2-орынды иеленді.

Аталған рейтинг еліміздің педагогикалық жоғары оқу орындарының академиялық көрсеткіштері, ғылыми-зерттеу жұмыстары, интернационалдандыру деңгейі және жұмыс берушілер арасындағы беделі сияқты бірқатар маңызды критерийлер бойынша жүргізілді.

Бұл жетістік – университет ұжымының сапалы білім беру, ғылыми-зерттеу мен халықаралық әріптестікті дамыту бағытында жүргізген жүйелі жұмысының нәтижесі. Университетіміздің беделі мен сапасы тағы бір мәрте дәлелденіп отыр.

Алдағы уақытта да университет білім беру сапасын арттыру, бәсекеге қабілетті мамандар даярлау және халықаралық стандарттарға сай даму жолындағы жұмысын жалғастыра береді.