ШЫМКЕНТ ҚАЛАЛЫҚ ӘКІМДІГІ ОҚПУ-ҒА 20 ГРАНТ БӨЛДІ

13 Тамыз 2025, 14:40

Медиа Орталық

Әкімдіктер жыл сайын басым мамандықтар бойынша нысаналы даярлыққа гранттар бөледі. Осыған сәйкес, 2025-2026 оқу жылына жергілікті атқарушы органдардан конкурстық негізде мемлекеттік білім беру грантына өтініштерді қабылдау басталған еді. Шымкент қалалық әкімдігі биыл бұл мақсатқа 285 грант бөлді.

Белгілі болғандай, Өзбекәлі Жәнібеков атындағы ОҚПУ-ға жергілікті әкімдік бөлген гранттың 20-сы берілді. Оның барлығы да тарих және педагогика факультетінің арнайы педагогика мамандығына, оның ішінде басым көпшілігі дефектологтарға тиесілі болып отыр. Айта кетелік, грант беру туралы шешімді әкімдік жанынан құрылған арнайы комиссия қабылдады.