Zhanibekov University-де “XXI ғасырдағы сандық тұзақтар” немесе “Өзіңізді қаржылық алаяқтардан қалай қорғауға болады?” тақырыбындағы іс-шара бүгін үшінші күнге жалғасуда.
Кездесуді ҚР Қаржылық мониторинг агенттігінің Шымкент қаласы бойынша экономикалық тергеп-тексеру департамент директорының орынбасары Санат Жұмабайұлы мен университет Басқарма төрағасы-Ректор міндетін атқарушы Гүлжан Сүгірбаева сөз сөйлеп ашты. Бүгінгі шараның жастардың қаржылық мәдениетін қалыптастыруға және олардың болашақта қаржылық тұрақтылығын қамтамасыз етуге бағытталғанын түсіндірді.
Пайдалы кеңеске толы дәрісті кездесу қонағы, эстрада әншісі Сиви Махмуди әсем әнмен бастап, жастарды серпілтті. Студенттер анкета сұрақтарына жауап беріп, жеңімпаздарға сыйлық үлестірілді. Кездесу қорытындысы бойынша үздік деп танылғандар қаржылық қауіпсіздік бойынша ұлттық және халықаралық олимпиадаға қатысу мүмкіндігіне ие болады.