Шымкент қаласында ардагерлер ұйымы мен университеттің бірлескен Академиялық кеңесінің алғашқы отырысы өтті. Жиынға университеттің Басқарма төрағасы – Ректор Қайрат Балабиев қатысты. Кездесуге Шымкент қалалық ардагерлер ұйымының төрағасы Кенжехан Төлебаев, төраға орынбасары Асқар Жұмабайұлы, сондай-ақ Республикалық ұлттық құндылықтар академиясының Шымкент қалалық филиалының төрағасы Әбила Көздібайқызы қатысты.

Академиялық кеңестің құрамына университеттің бірқатар профессор-оқытушылары мен жауапты мамандары мүше болып енгізілді. Жиын барысында аға буын өкілдерінің өмірлік тәжірибесін білім беру және тәрбие үдерісіне тиімді пайдалану, жастарға ұлттық құндылықтарды дәріптеу, патриоттық тәрбие мен ұрпақтар сабақтастығын нығайту мәселелері талқыланды.

Қатысушылар білім ордасы мен ардагерлер ұйымы арасындағы байланысты одан әрі күшейтіп, бірлескен жобалар мен қоғамдық бастамаларды жүйелі түрде жүзеге асырудың маңыздылығын атап өтті. Бірлескен Академиялық кеңес – тәжірибелі ардагерлердің тағылымын жас ұрпаққа жеткізіп, білім мен тәрбиені ұлттық құндылықтармен ұштастыруға бағытталған маңызды алаң болмақ. Жиын қорытындысында алдағы кезеңге арналған бірқатар міндеттер айқындалып, өзара ынтымақтастықты одан әрі дамыту жөнінде ұсыныстар айтылды.