1-НАУРЫЗ АЛҒЫС АЙТУ КҮНІ АТАП ӨТІЛДІ

27 February 2025, 17:39

Медиа Орталық

Өзбекәлі Жәнібеков атындағы ОҚПУ-да 1-наурыз Алғыс айту күніне орай мәдени-танымдық іс-шара өтті.

Салтанатты жиынды университет Басқарма төрағасы-ректор міндетін атқарушы Гүлжан Сүгірбаева құттықтау сөзбен ашты.

— Алғыс айту күні елімізде 2016 жылдан бері атап өтіліп келеді. Қиын жылдарда өзге елден жер аударылып келген халықтарды қазақ ұлты құшақ жая қарсы алып, бір нанды бөліп берді. Қаншама қасіретті бірге бастан өткерді. Ауызбіршілік пен мейірімнің арқасында бүгінде мемлекетімізді 130-дан астам ұлт өкілі мекендейді. Университетімізде де иран, корей, өзбек ұлтының жастары оқып, білім алып жатыр. Біз ешкімді бөлмейміз, бәріміз біргеміз, — деді Гүлжан Дәулетбекқызы.

Іс-шара соңы концерттік бағдарламаға ұласып, студенттер түрлі халықтың өнерін ортаға салды. Ал, өзге ұлт өкілдерінің студенттері ұлттық киімде қазақ халқына шынайы алғыс айтты.

Айта кетелік , бүгінде Өзбекәлі Жәнібеков атындағы ОҚПУ-да 24 өзге ұлт өкілі бір үйдің баласындай тату-тәтті жоғары білім алуда.