ЕРАСЫЛ — ЕҢ ҚЫРАҒЫ ҚҰСБЕГІ !

19 Ақпан 2025, 19:20

Медиа Орталық

Өзбекәлі Жәнібеков атындағы ОҚПУ 3-курс студенті Есболат Ерасыл Түркістан облысы, Төлеби ауданы, Оңтүстік ауылында өткен республикалық құсбегілер сайысында бірінші орынды жеңіп алды!

Жастар арасында ҚР ХYI чемпионатында чемпион атанған Ерасыл қаршыға салудан қырағы бапкер атанды. Қыран баптап, құс түлеткен студент физика-математика мамандығы бойынша білім алуда.

Ұлттық дәстүрдің жеңімпазын университет Басқарма мүшесі-Стратегиялық даму және әлеуметтік істер жөніндегі проректор Баршагүл Исабек қабылдап, жеңісімен құттықтады.

Ерасыл Сайрам ауданы, Ақсукент ауылында дүниеге келген. Ол құс баптауға бес жасынан әуестенген. Төлебидегі белгілі Кеуеновтер отбасылық саятшылар династиясының жиені қаршыға салып, қыран баптауды нағашыларынан үйренгенін айтады.