Жетпісбаева Гүлжан Оразбекқызы 1975 жылы қазіргі Түркістан облысы Келес ауданында дүниеге келген.

1991 жылы Шымкент педагогикалық институтына оқуға түсіп, 1995 жылы Қ.А.Яссауи атындағы ХҚТУ Шымкент бөлімін «Математика және ақпараттық есептеу» мамандығы бойынша бітіріп шықты.

1996 жылдан 2020 жылға дейін М.Әуезов атындағы Оңтүстік Қазақстан университетінде оқытушылық қызметін атқарған.

2000 жылдан бастап математиканы оқыту әдістемесі саласында еңбегі орасан, педагогика ғылымдарының докторы Д.Рахымбектің жетекшілігімен ізденушілік етті.

2007 жылы 13.00.02 – Оқыту және тәрбиелеу теориясы мен әдістемесі «Математика» шифры бойынша кандидаттық диссертациясын сәтті қорғап, педагогика ғылымдарының кандидаты атанды.

«Жоғары оқу орнының үздік оқытушысы – 2017» мемлекеттік грантының иегері, 2018 жылы Брюссель қаласында «Competence-based and student-oriented approach to teaching. Development of new competencies for professors» тақырыбында ғылыми тағылымдамадан өтті.

2021-2022 оқу жылынан бастап Оңтүстік Қазақстан мемлекеттік педагогикалық университетінің «Математика» кафедрасының меңгерушісі қызметін атқаруда, оқу-тәрбие жұмыстарына көп көңіл аударып, оқыту процестеріне қомақты үлес қосып жүрген, қолданыстағы заңнама және басым бағыттарды меңгерген жоғары білікті маман, сондай-ақ ағылшын тілі «Intermediate» деңгейінде.

Студенттерді ізгілікке баулып, қоғам үшін қажетті білім жүйесін жан-жақты жарасымды жетілдіруге ат салысып жүрген ғалым. Сонымен қатар, 60-тан астам ғылыми еңбектері жариялаған, оның ішінде 1 оқулықтың, 5 оқу құралының, 1 монографияның авторы.

Scopus базасындағы басылымда, ҚР Ғылым және жоғары білім министрлігінің Білім және ғылым саласындағы бақылау комитеті тізбесіне енгізілген басылымдарда мақалалары жарық көрген. Шет елдік конференцияларға, Қазақстан Республикасындағы конференциялар мен семинарларға үздіксіз қатысып және мақала жариялауда.

Өмірбаян

 Қадірбаева Роза Ізтілеуқызы 10.09.1961 жылы қазіргі Түркістан облысы, Нұртас ауылында дүниеге келіп, сол жерде Амангелді атындағы орта мектепті 1978 жылы бітіріп шықты. Сол жылы С.Киров атындағы ҚазМУ-нің Математика факультетіне оқуға түсіп, 1983 жылы «Математик.Оқытушы» мамандығын алды.

Еңбек жолы: Жезқазған педагогикалық институтының оқытушысы (1983-1990), М.Әуезов атындағы Чимкент педагогикалық институтының аға оқытушысы (1990-1995), Қ.А.Ясауи атындағы Халықаралық қазақ-түрік университетінің Шымкент институтында орталық басшысы, декан (1995-2008), ХҚТУ вице-президенті (2008-2013), «Біліктілік арттырудың ұлттық орталығы «Өрлеу» АҚ Оңтүстік Қазақстан облысының филиалында кафедра меңгерушісі (2013-2014), ОҚМПИ-дың «Информатика» кафедрасының доценті және «Ғылыми-зерттеу бағдарламаларын сараптау орталығының» басшысы (2014-2016), «Тарих және педагогика» факультетінің деканы (2016), Математика кафедрасының меңгерушісі (2016-2021), Педагогикалық-инновация орталығының басшысы (2021), 2022-2023 оқу жылынан бастап бүгінге дейін Өзбекәлі Жәнібеков атындағы Оңтүстік Қазақстан педагогикалық университетінің «Математика» кафедрасының доценті.

Марапаттары: "ҚР ғылымын дамытуға сіңірген еңбегі үшін" төсбелгісі (2009); ОҚМПИ-дың 80 жылдығы төсбелгісі (2017); ҚР БҒМ "ЖОО үздік оқытушысы -2020" атағының иегері;  ҒЖБМ-нің «Құрмет грамотасы» (2022); "Сала қызметкерлерінің кәсіподағына сіңірген айрықша еңбегі үшін" төсбелгісі (2024).

Ғылыми-ізденіс жұмыстарының нәтижесінде 13.00.02 шифры бойынша педагогика ғылымдарының кандидаты (1996), доцент (2002), 13.00.08 шифры бойынша педагогика ғылымдарының докторы (2012) ғылыми дәрежелері мен атақтарына ие болды. Докторлық диссертацияның тақырыбы: Болашақ мұғалімдерді оқушылардың шығармашылық қабілетін дамытуға кәсіби даярлаудың ғылыми-педагогикалық негіздері. Университетте жұмыс істеу кезеңінде «Алгебра және сандар теориясы», «Математиканы оқытуда компьютерлік технологияны пайдалану» және «Ғылыми зерттеу әдістері» пәндерінен дәріс оқиды. Оқытушылық қызметпен қатар ғылыми-зерттеу жұмыстарымен де айналысады: соңғы 5 жылда 50-ден астам ғылыми-әдістемелік еңбектер жарық көрді, оның ішінде Скопус базасындағы журналдарда – 7 (процентилі 35 тен жоғары); ЖБССҚЕК ұсынатын басылымдарда – 25; Халықаралық лицензияланатын ғылыми журналдарда - 7; Шетелдік халықаралық конференцияларда – 15; 2 монография мен 4 оқу құралы бар. Зерттеу жұмысында алынған нәтижелер бойынша 3 авторлық куәліктер бар. Ғылыми-әдістемелік еңбектердің жалпы саны - 160-тан астам. Оның ішінде соңғы жылдардағы негізгі еңбектері:

1.    Methodology of application of blended learning technology in mathematics education // Cypriot Journal of Educational Sciences, 17(4), 2022, 1117–1129. (авторлық бірлестікпен).

2.    Investigation of Mobile Learning Readiness of Students According to Tablet Usage // International Journal of Emerging Technologies in Learning (iJET) – eISSN: 1863-0383, 2022, РР 74-86 (авторлық бірлестікпен).

3.    Болашақ математика мұғалімдерін даярлау процесінде аралас оқыту технологиясын қолданудың ерекшеліктері // Абылай хан атындағы ҚазХҚжӘТУ Хабаршысы “Педагогика ғылымдары” сериясы, -Алматы, 2024. -№ 4, Б. 415-437 (Қ.Әтірбекпен авторлық бірлестікте).

4.    Формирование профессиональной компетентности будущих учителей посредством разработки информационно-коммуникационных предметных сред. Монография. Шымкент, типография «Әлем» 2020. –204с. (А.Әмірбековпен авторлық бірлестікте).

5.    Аралас оқыту технологиясына кіріспе: монография. - Шымкент: «Әлем» баспаханасы, 2022. - 80 б.

6.    Алгебра және сандар теориясы.Оқу құралы. –Шымкент: «Әлем» баспаханасы, 2022.-180 б.

7.    Математиканы оқытуда компьютерлік технологияны пайдалану. Оқу құралы  - Шымкент,  «Әлем» баспаханасы, 2020 ж. – 256 б.

Өмірбаян

Иманбаев Нұрлан Сайрамұлы -07.10.1966 ж. Кеңестер Одағының Қазақ ССРі, Шымкент облысы, Сарыағаш ауданы, Жамбыл колхозында туылған.

-1973-1983 ж.ж. Сарыағаш ауданының Жамбыл атындағы орта мектебін бітірген.

-1983-1990 ж.ж. Алматы қ. С.М. Киров ат. Қазақ мемлекеттік университетінің математика факультетінің математикалық анализ кафедрасының түлегі.

-1984-1986 ж.ж. Кеңестер Одағының Әскері қатарында қызмет еткен.

-1990-1991 ж.ж. Шымкент қ. Қазақ химия-технологиялық институтының Жоғары математика кафедрасының оқытушысы.

-1991-1992 ж.ж. Алматы қ. Әл-Фараби ат. Қазақ Ұлттық университетінің математикалық анализ кафедрасында зерттеушілік тағылымдамадан өткен.

-1992-1993 ж.ж. Сарыағаш ауданындағы М. Горький ат. орта мектептің математика пәнінің мұғалімі.

 -1993-1996 ж.ж. Абай ат. Алматы мемлекеттік университетінің математикалық анализ кафедрасының аспиранты.

-1996-1997ж.ж. О.А. Жәутіков ат. Республикалық физика-математикалық мектеп-интернатының математика пәнінің мұғалімі.

-1997 ж. 01.01.00 – Дифференциалдық теңдеулер мамандығы бойынша физика-математика ғылымдарының кандидаты – 31 жаста. (Әл-Фараби ат. ҚазҰУ, Алматы қ.)

-2002 ж. 01.01.00 – Математика мамандығы бойынша ЖАК шешімімен доцент ғылыми атағы берілген– 36 жаста.

-2014 ж. 01.01.00 – Математика мамандығы бойынша Бақылау Комитетінің (КОКСОН) шешімімен профессор ғылыми атағы берілген – 48 жаста.

-2000-2004 ж.ж. М. Әуезов ат. ОҚМУ-інде К.14.29.13 диссер. Кеңестің мүшесі. Әл-Фараби ат. ҚазҰУ, Алматы технология универ. аға оқытушы, 1999-2012 ж.ж. Қ.А. Ясауи ат. ХҚТУ Шымкент институтының Жоғары математика кафедрасының аға оқытушысы, декан орынбасары, доценті, кафедра меңгерушісі, (2012-2016)Түркістан қ. ХҚТУ профессоры.

2016 ж. бері Ө. Жәнібеков ат. ОҚПУ математика кафедрасында профессор.

 2017 ж. ЖОО Үздік оқытушысы.

2023 ж. бері Ұлттық Ғылыми Кеңестің аппеляциялық комиссиясының мүшесі, Бірнеше дисс. Кеңестердің мүшесі- (Алматы, Қарағанды, Ақтөбе), 2019 ж. ҚР ғылымын дамытуға үлес қосқаны үшін төс белгімен, 2024 ж. Ұлттық Ғылым Академиясының Қ. Сәтпаев ат. ғылымдағы жетістігіне берілген төс белгімен марапатталған.

Ибрагимов Раскул 1953жылы 15 майда Өзбекстан Республикасы Ташкент облысы  Бекабад ауданындағы Чанақ совхозында туған.

   1959-1969 жылдарда Ж.Жабаев атындағы №18 орта мектепті ,1969-1973 жылдарда Ташкент облысы мемлекеттік педагогика институтының   жаратылыстану- математика факультетінің математика бөлімін қызыл дипломмен бітірген.  

     1973-1975 жылдарда Бекабад ауданындағы шеткі өлкедегі  №55 сан Ш.Уәліханов атындағы орта мектепте,1975-1977 жылдарда сол аудандағы №18 Ж.Жабаев атындағы орта мектепте  математика және физика пәндерінен сабақ берді.

    1977-1982жылдары Низами атындағы Ташкент мемлекеттік педагогика институтында  оқытушы, аға оқытушы  болып жұмыс атқарған.

1982-1986 жылдары Ташкент облысы  мемлекеттік педагогика институтында  оқытушы, аға оқытушы  болып жұмыс атқарған.

1987-1992жылдардаТашкент облысы  мемлекеттік педагогика институтының бастауышта оқыту педагогикасы және әдістемесі кафедрасы меңгерушісі болып қызмет атқарды.

    1993-1996 жылдары Низами атындағы Ташкент мемлекеттік педагогика университетінің жалпы педагогика кафедрасы жанындағы 13.00.01- жалпы педагогика, педагогика және білім беру,этнопедагогика  мамандығы бойынша күндізгі докторантурасын бітірген.

1996-1999 жылдары Ташкент облысы  мемлекеттік педагогика институтының бастауышта оқыту педагогикасы және әдістемесі кафедрасы меңгерушісі болып қызмет атқарды.

    1999-2001 жылдары Ташкент облысы мемлекеттік педагогика институтында қазақ тілі және әдебиеті кафедрасы меңгерушісі , 2001-2003 жылдары жаңа педагогикалық технология және тәлімнің психологияның негіздері кафедрасы меңгерушісі қызметтерін атқарды.

2003-2005жылдары Оңтүстік Қазақстан Педагогикалық Университетінің информатика және математика кафедрасының меңгерушісі болып жұмыс  атқарды.

    2001 жылы «Бастауыш сынып оқушыларында танымдық іс-әрекеттерді қалыптастырудың дидактикалық негіздері(математика материалы негізінде)» атты докторлық диссертациясын педагогика ғылымдарының докторы, профессор Р.А.Мавлянованың ғылыми  кеңесшілігінде қорғап , педагогика ғылымдарының докторы ғылыми дәрежесіне ие болады.

2005-2008 жылдары Қ.А.Ясауи атындағы Халықаралық Қазақ-Түрік университетінің жоғары математика кафедрасында  доцент, профессор м.а.  болып қызмет етті.

2010-2012 жылдары  Академиялық инновациялық университетінде профессор міндетін атқарушы болып қызмет етті.

   2008-2011 жылдары  Халықаралық қазақ –түрік университетінің педагогика ғылымдарының докторы ғылыми дәрежесін беру жөніндегі Д.14.61.35 диссертациялық кеңесінің мүшесі   болды .

    2012-2014 жылдары Қазақстан Халықтар Достығы Университетінде информатика және математика кафедрасының меңгерушісі, 2015-2016 жылдары Қазақстан инженерлі-педагогикалық халықтар достығы университетінде инженер-техникалық факультеті деканы қызметтерін атқарды.

     2017жылы Оңтүстік Қазақстан мемлекеттік педагогикалық институты физика-математика кафедрасының доценті, 2018 жылдан қазіргі күнге дейін Ө.Жәнібеков атындағы Оңтүстік Қазақстан  Педагогикалық Университетінің математика кафедрасында профессор қызметін  атқарып келеді.

2019-2021 жылдары М.Әуезов атындағы Оңтүстік Қазақстан мемлекеттік  университеті жанындағы  6Д010900-Математика мамандығы бойынша  диссертациялық кеңесінің мүшесі   болды .

    Р.Ибрагимов педагогтық жұмыстарын ғылыми зерттеу жұмыстарымен үйлестіріп,  16 арнаулы курстар,  4 монография , 20дан астам оқулықтар мен оқу құралдарын, 250 ден астам ғылыми мақалаларды баспада жариялаған.    Ол Өзбекстандағы бастауыш сыныптар үшін шығарылған республикалық математика оқулықтарының авторларының бірі . Оның басқа авторлармен бірлестікте шығарған бастауыш сыныптар үшін математика оқулықтары қазіргі уақыттарда бірнеше рет қайта баспадан шығарылып бастауыш мектептерде қолданылуда.  Отбасылы, отбасында екі ұлы мен екі қызы , немерелері бар